رواية اطفت شعلة تمردها بقلم دعاء أحمد

كمان كان سامعه شهقاتها المكتومه

حضنها بقوه وهي لسه مدياله ضهرها

جلال بتعب 

ششش نامي بتنامي وبكرا نتكلم انا تعبت هحكيلك كل حاجه بس خلينا نرتاح شويه دلوقتي بطلي عياط ممكن

فضلت السكون وهي بتدور على سبب مقنع للي عمله ملقتش غير انه زهق من حياتهم بالرغم انه دايما سعيد معها ليه دا حصل

ليه فرحتهم مش بتكمل الا لما تنتهي بۏجع

لكن حست بارتخاءه بتبصله كانت في دموع على خده

فقط الاغبياء هما من يرون دموع الرجل ضعف

لا يعرفوا يصاحب بعض الأحكام ان دمعه الرجل ثمينه ولا تهبط الا من أجل أغلى و أنقى الأشياء لديه

حياء 

ياترى مخبي عليا ايه يا جلال ما هو انا مش غبيه لدرجه اني مبقاش عارفه الرجل اللي عايشه معه انا مش غبيه لدرجه اني ابقى مخدوعه فيك

انا مش غبيه عشان احب فيك كل حاجه حتى قسوتك و في الاخر تكون بتتسلي بقلبي

غمضت عينيها بالالم وهي بتحاول تنام

تاني يوم

صحي جلال لكنه كان سامع صوت الدش قام قعد على طرف السرير وهو ماسك دماغه حاسس بصداع يكتنف راسه

خرجت وعدت من جانبه و كأنها مش شايفه

بصلها وهي واقفه أدام الدولاب مهتمش

و دخل ياخد دش بارد يفوق بيه

خرج لكن وقف مصډوم وهي شايفها بتلم هدومها رمي الفوطه پغضب وهو بيروح ناحيتها وبيمسكها من دراعها پعنف

 رايحه فين

حياء بكبرياء همشي ايه مش هتطلقني

جلال پغضب و حده 

لازم نتكلم وساعتها انتي اللي هتقرري نتطلق

حياء نتكلم في ايه

جلال اطلعي اسنيني برا هغير و احصلك

حياء ماشي يا جلال انا معاك للآخر

بعد دقايق

اخذت تتطلع اليه بحيره من صمته اخذ يزفر پقهر

 عايزه تعرفي اللي حصل امبارح دا سببه ايه

حياء بتوتر ياريت

جلال عشان بحبك و عايزك تكوني سعيده

حياء بضيق و انت فاكراك لما تبعدني عنك وعن بلدي هبقي فرحانه و سعيده

انت هتبقى مبسوط لو جيت في يوم وقابلني بالصدفه و ان في حضن واحد غيرك

فاكر ان الفلوس هي اللي هتخليني سعيده

جلال بص في الارض و بيحاول يتماسك ادامها

 بس على الاقل هتقابلي حد يديك اللي يفرحك

حد معه تقدري تعملي عيله يمكن وقتها تعرفي انا بحبك اد ايه

حياء انت تقصد ايه

جلال وهو بيبصلها بتركيز 

انا مبخلفش يا حياء

حياء فضلت تبص له بوجه خالي من التعبيرات

_انت بتقول ايه مين فينا اللي مش بيخلف

بصتله وهي شايفه الحزن و القهر اللي باين في خطوط ملامحه الرجوليه دموعها نزلت وهي بتحضنه وبتدخل لحضنه بقوه و جموح

 لو هو دا السبب تبقى اناني يا جلال

اناني ازاي تاخد قرار زي دا من غير ما ترجعلي انا مراتك ومن حقي اني اعرف من حقي اني أرفض الطلاق

انا فعلا نفسي اكون ام بس لو هكون ام هكون ام لأولادك انت

وبعدين مين قال كدا مين قال انك مش هتخلف و بعدين

مش انت دايما بتقول اننا لسه في أول الجواز انا كمان مش عايزه ولاد دلوقتي انا بنتك معقول تسيبني

تبقى اناني و عديم القلب اوعي تفتكر ان دي تضحيه دا ۏجع هتسيبه في قلبي

وقلبك انت قلت بلسانك دا وبقلبك

انا مش هسمحلك تبعدي حتى لو المۏت هتلقيني معاكي في نفس القپر

انت بتجرحني اوي بتوجعني بانانيتك دي

جلال بتنهيده قويه 

انا هبقي بظلمك معايا انا اتكلمت مع الدكتوره كتير وقالت إن العلاج هياخد سنين ليه تستحملي مع واحد مش هيقدر يديكي اقل حاجة بتحلمي بيها

حياء بدموع و ۏجع 

لسه بتسأل ليه

يمكن مثلا لأنك روحي

يمكن لاني بحبك و يمكن لاني متأكده انك بتحبني يمكن لاني عشقتك يمكن لان لما دورت على حضن اخبي فيه نفسي ملقتش غير حضنك

يمكن لان ادمنت وجودك في حياتي

يمكن لان بحس معاك باني لقيه نفسي

عارف يعني اي تعشق حد لدرجه انه يبقى حته من روحك

انت لو فعلا طلقتني هتبقى اناني وهتسيبني أضعف الف مره انت فاكر اني ممكن اتخطاك وانساك وكأنك ومكنتش في حياتي

انت فاكر اني بعد ما حبيت كل حاجه فيك شقاوتك صوتك غيرتك جدعنتك ازاي فاكرني هنسي و اعيش عادي

و بعدين يا استاذ انت شمس مين دي اللي تتجوزها دا انا اقټلك فيها انت وهي و اۏلع فيكم بجاز انت فاكر بعد ما تاذي روحي هسيبك عادي و امشي

افهم يا جلال وحياتي عندك افهم انا

ب ح ب ك كفايه نتكلم في موضوع الخلفه دا عشان خاطري انا

ممكن توعدني انك تقفله وانك تبطل العاده الزفت دي مش كل خڼاقه ولولا صغيره تروح تدخن على الاقل عشاني انا

فاكر يوم العيد

هقولك انت قلتلي ايه

شاورت على المركب وقلت ان دي عامله زي حياتنا خرجت من المينا لفت في رحله طويله رحله فيها صعوبات لكن في النهايه نقلت البضاعه و رجعت لنفس المينا وهي خفيفه بعد ما نقلت كل البضاعه

قلتلك وقتها هفضل معاك مهما حصل و انا لسه عند كلمتي وعمري ما هسيبك

مش عشانك انت بس

لا عشاني انا كمان انا مش بعد ما ربنا عوضني بيك تسيبني و تمشي انت فاهم

جلال كان بيبصلها وهو خاېف يجي اليوم اللي تلومه فيه عن حرمانها من الخلفه

 امشي فين يا حياء انتي عملتي فيا ايه اخدتي روحي و سحرتي لقلبي امشي فين معقول انا جلال الشهاوي انا مش عارف افكر

حياء بلهفه 

ششش اهدا انا موجوده يوم ما تضعف هكون في ضهرك هنفضل سوا و الموضوع اكيد ليه علاج حتى لو كان سنين انت فاهم حتى لو سنين انا صابره و بعدين هو يعني

لو انا اللي مبخلفش كنت هتطلقني

كنت هتتخلي عني

جلال بجديه لا طبعا انا هشيلك فوق راسي حتى لو ربنا مرزقناش باولاد

حياء وهي بتحاوط وشه بحنان 

يبقى اي بقى عايز تطلع اجدع مني

دا لا ممكن ابدا جلال انا جوعانه و معملتش اكل

ابتسم بسعاده وهو بيبوس راسها 

متأكده من قرارك مش هتندمي العلاج يمكن ياخد سنين و يمكن ميحصلش جمل ابدا يا حياء

حياء بابتسامه انت مؤمن يا جلال وعارف أن كل حاجه بأيد ربنا وأننا في الحياه دي مراحل و اختبارات و دا اختبار و انا هفضل معاك حتى لو ڠصب عنك يا استاذ انت ادبست خالص

مسكت ايديه اللي جرحتها و باستها بحنان و پخوف

بټوجعك انا اسفه مكنش قصدي والله العظيم انت اللي مسكت ايدي

جلال پحده وكنت عايزانى اسيبك وانتي في الحاله دي عشان تاذي نفسك

حياء بابتسامه طب بصي يا سيدي المحامي كلمني وقالي انا بابا فعلا سجل الوكاله باسمي و انت اللي هتديرها

موافق يعني هنفطر و تروح تفتح شغلك بنفسك وان شاء الله يجي يوم ترجع فيه حقك المهم انا جوعانه عايزه اكل يا جدع

جلال ماشي يا ستي اجهزي ياله هاخدك نفطر برا لان انا زهقت تعالي نغير جوا

حياء يس هدخل اغير ثواني

بعد شويه بينزلوا الاتنين و بيفطروا برا وكان مفيش حاجه حصلت

فضلوا طول النهار برا

راحوا الملاهي و أكلوا حمص شام وايس كريم فضلوا يضحكوا

وهنا منفصلين عن العالم من حوليهم

تاني يوم

جلال فتح وكاله الحج شريف