رواية چرح صبا كاملة جميع الاجزاء الشيقة بقلم حور طه
وانت بكره تبقى تيجي كده وكانك بتبارك له وتطمن على الچرح
حسن بتعجب انا لو في مسرحيه مش هيعملوا اللي انتم بتعملوه ده انت مستوعب ان ضربه سکينه زي دي لو كانت اتحركت شويه كانت ممكن تصيب كبده وتبقى مشكله
طاهر والحمد لله ما حصلش يلا خد شنطه دي واخرج معايا بهدوء
حسن طب هي فين صبا مش المفروض تبقى معاه دلوقتي وبعدين هو اټعور ازاي
طاهر يوصل حسن لحد عربيته ويقابلهم صبا وكامل
طاهر يبص لصبا بعتاب يلا روح انت دلوقتي يا حسن وبكره ان شاء الله تيجي عشان تطمن على كاران
حسن لا يفهم ما يحدث حوله ياخذ عربيته ويمشي
صبا كاران عايش
طاهر الحمد لله كنت فين يا عروسه
كامل ادخل انت ياصبا عند جوزك واطمني عليه
طاهر قبل ما تتكلم وتقول اي حاجه امشي دلوقتي وكلامنا هيبقى بعدين لما كاران يفوق
كامل انا همشي بس لو حاولتوا تلمسوا الشعره واحده من حفيدتي
طاهر يقاطعوا قلت لك دي حاجه تخص كاران لما يفوق يبقى يشوف هو هيعمل ايه
ف صباح اليوم التالي
يستيقظ كاران من نومه ويتحرك بتعب وعينه تاجي على صبا اللي نايمه على الكرسي انت ايه اللي نيمك في اوضتي
كاران يا سلام على البراءه هو انا مش قلت لك امشي امبارح ايه اللي رجعك
صبا تتجه الى الحمام حاول ما تنفعلش كثير علشان چرحك
كاران لا والله مصېبه لو كنت خاېفه عليا
صبا هو انت ليه صاحي تقول شكل للبيع ما تسكت شويه بقى
كاران انا بجد مش قادره افهم البجاحه بتاعتك دي انت مستوعبه انك حاولتي ټقتليني امبارح
كاران يمسك ايدها هو انت بتكرهيني بجد
صبا وكيف فيني احب قاټل ابي
يطرق الباب احد الشغالين كاران بيه ماهر بيه مستنيك انت والمدام تحت على الفطار
كاران طيب شويه ونازلين
ويرجع يوجه كلامه لصبا انا مش عايز جدو يعرف حاجه عن اللي حصل ليله امبارح
صبا لكن انا مش خاېفه احنا الاتنين عارفين ان اللي انا عملته ده ممكن يتعاد تاني
بقلمي حور طه
بجد شكرا جدا على التفاعل الجميل ده واتمنى يستمر على طول
وخلونا نصلي على الحبيب قلبك يطيب
٣٤
البارت الثالث من رواية چرح صبااا
صبا بلاش والنبي جو التلزيق ده ما حدش قال لك انك اتشليت
________________________________________
لسان ولا عقرب جاتك القرف في ملافظك
صبا وهي بتشيل ايده من على كتفها طب حاول بقى تاخد بالك من نفسك لان العقرب ده ممكن في لحظه يلدغك
كاران وهو لسه ما لدغنيش بس على مين هجيبه تحت رجلي واهرسه
صبا يا اخي اتنيل على عينك وانت قادر اتصلب طولك عشان يكون فيك حيل تهدد
كاران ما بقاش كاران الطحان لو ما جبت للسانك ده قرار ازاله
صبا طيب حاول ترمم نفسك الاول علشان اللي بيعمل ما بيقولش
كاران بكره تشوفي ابن الطحان هيعمل فيك ايه
صبا نفسي اشوف لك عشان ما شفتلكش
كاران بغيظ انا هزعلك بس
صبا بتحدي وريني
ماهر بابتسامه تعالوا يا ولاد واخيرا جه اليوم اللي هنفطر فيه مع بعض انا وحفيدي ومراته
طاهر يعني هو بس اللي حفيدك يا جدو امال انا ايه
ماهر يا حبيبي هو حفيدي الكبير وانت حفيد الصغير
طاهر ماشي يا سي جدو طيب اسيبكم انا بقى علشان عندي معاد شغل مهم
كاران خلصت الشغل اللي قلت لك عليه
طاهر سيبك انت من الشغل العريس وركز انت مع عروستك
كاران يقعد على الكرسي ويبدا يتناول فطاره بيحاول يبلع كلام طاهر
طاهر اقترب من صبا وبصوت منخفض حاولي تهتمي بالچرح اللي فتحتيه علشان حسن مشغول في المستشفى مش هيعرف يجي والف مبروك يا مرات اخويا
ينهي كلامه ويسيبهم ويمشي
صبا تقعد معاهم على سفره الفطار وتتناول فطرها هي الثانيه
في بيت كامل
امل يعني ايه بنتي كان فرحها امبارح وعلى مين على المړيض النفسي ده
كامل انا كبير العيله واللي اقول عليه يتسمع من غير مناقشه
امل بانفعال يعني هي مفهماني ان عندها نبطشيه في المستشفى امبارح وانت تيجي دلوقتي تقول لي انها اتجوزت كاران الطحان وعايزني اقفل بقي واسكت
كامل المناقشه في الموضوع مش هتفيد لانها خلاص اتجوزته
امل انت ازاي ترمي بنتي في الڼار دي وانت عارف العداوه الكبيره اللي بين العيلتين من غير حتى ما تاخد رايي
كامل بنتك مش صغيره واخذت قرارها وهي اخذت القرار الصح كان لازم الجواز ده يتم علشان العداوه تنتهي
امل بعصبيه انا هروح اجيب بنتي مش هسيبها الثانيه واحده في القصر الملعۏن ده ولا هسمح ان المړيض ده يلمسها
كامل لا اطمني لا هيلمسها ولا هيقرب منها الجوازه دي على الورق مش اكثر
امل انت بتفكر في ايه ايه اللي عايز توصل له من خلال بنتي مش كفايه ابوها اللي ماټ وما نعرفش لحد دلوقتي اللي تسبب في مۏته
كامل انا قلت باب المناقشه في الموضوع ده اتقفل مش عايز اسمع ولا كلمه تاني فيها
امل طيب انا عايز اشوف بنتي ولا ممنوع
كامل ابقى خدي زين وروحي شوفيها زي ما انت عايزه ما حدش هيمنعك
امل ومالك عرف بالجوازه دي وساب خطيبته كده تروح تتجوز من واحد ثاني
كامل لما مالك يرجع من السفر انا هتكلم معاه ما تشغليش بالك انت مالك
في اوضه زين
امل تنظر له وهو نايم ولا على باله هو الثاني تشد اللحاف من عليه بزعيق لا انا بجد مش مصدقاكم ايه الهدوء اللي انتم فيه ده يلا قوم
زين بخضه خير يا ماما في ايه
امل بعصبيه انت كنت تعرف المصېبه اللي اختك عملتها دي هي وجدك وما قلتليش
زين وهو يحاول يفتح عينيه يا ماما يا حبيبتي ما انت عارفه جدو لما بيقول كلمه لازم ينفذها ! وبنتك كمان عناديه موافقه على كلامه
امل يلا قومي البس علشان توديني عند اختك
زين دلوقتي ربنا يهديك يا ماما اهدي دلوقتي ولما ارجع من الكليه هوديكي
امل بانفعال قلت لك قوم البس وديني عند اختك انا مش عارفه انتم جايبين البرود بتاعكم ده منين
زين بضيق يقوم من على السرير حاضر يا ماما يا حبيبتي نص ساعه وابقى جاهز
رؤوف الجوازه تمت والعيلتين اتحدوا يعني كده قوتهم هتتضاعف واكيد هيتحركوا مع بعض
خالد الجواز مش هو السلام بين العيلتين ممكن اوي يكون هو بدايه الصراع الحقيقي بينهم
رؤوف ازاي يا باشا المعلومات اللي عندي بتاكد ان كاران مستحيل يفكر ان هو ياذي صبا كانت حبيبته
خالد كاران ممكن ما يحاولش يؤذي صبا لكن ممكن صبا تحاول
رؤوف يعني ممكن كامل يكون بيرتب لحاجه ويكون في احتمال ان صبا عارفه ان كاران هو اللي قتل ابوها
خالد في شغلنا ما فيش مجال للاحتمال
