اسكريبت هتفضلي واقفة كدة كتير بقلم ايمان احمد

هتفضلي واقفة كدة كتير
خاېفة 
هو هياكلك!
هو مبيحبش حد يزعجه و هو بيشتغل 
و هو اللي هتقوليه شوية ما هو موضوع مهم و جدا كمان!
حاسة إني وحشة أوي و أنانية و...
قاطعتني و قالت مش دا كان اتفاقنا من الأول
كان مغلوب على أمري فمعرفتش أعترض أنا كنت عايزة أخلص من الجوازة دي و أشيل حملها من على قلبي بس هو ذنبه ايه في اللعبة دي!
خدت نفس انسى بيه الإتفاق اللي بيني و بينها و اللي كل ما افتكره اسأل روحي كان عقلي فين لما وافقت!
طبطبت على كتفي و قالت أنا وفيت بوعدي ليكي جه دورك
بصتلها فبان على وشي الحيرة و القلق فقالت كملي جميلك للأخر أنا مقدرة اللي عملتيه عشاني و عارفة إنه صعب بس دا كان اتفاقنا من الأول

خبطت على الباب و استنيت لحد ما قال أدخل
دخلت و أنا بدعي ربنا يكون معايا و يعيني أنا مش عايزة حاجة غير إني أخلص من الورطة دي و أرجع لحياتي الطبيعية
ابتسم أول ما شافني و قال تعالي يا إيمان
كل ما كان يعاملني حلو كل ما استصغر نفسي أوي و ضميري يأنبني
قعدت قدامه فساب كل اللي كان شاغله و ركز معايا وقتها لساني كان بيسألني بكل ضعف قوليلي أقولها إزاي!
في ايه مالك
كنت عايزة أقولك على حاجة 
معاكي
دماغي بدأت تصدع من كتر التفكير و قلبي بيرتعش من الخۏف هو كويس من ساعة معرفته بس مش ضامنة رده فعله بعد اللي هقولهوله دا لكن دا كان إتفاقي معاها أنا عايزة أخلص وحشتني حياتي قبل الإتفاق دا وحشتني حريتي و بالي الرايق
إيمان أنا سامعك
حاولت اسيطر على توتري و اتكلم أناا مش مرتاحة
استغرب مش فاهم
جيت أقولها قاطعني فجأة إيمان أنا بحاول أعمل اللي يريحك لما اتجوزنا قولتي محتاجة وقت فوافقت و عدى حوالي شهر و معتقدش إني ضغط عليكي في حاجة إنتي مراتي و يهمني راحتك
أنا ربنا ياخدني عشان أرتاح هيقول عليا ايه بعد اللي هقولهوله دا بس أي كان هيكون أهون من اللي هيقوله لو عرف حقيقة الجوازة دي لو عرف إنها كانت مجرد لعبة اتجبرت عليها ولله
قام وقف و جه قعد على الكرسي اللي قدامي فبقى قريب أكتر من الأول ابتسم و هو بيمد إيده لإيدي و قال إيمان أنا ب....
قولتها بسرعة زي اللي بيحدف طوبة و يجري عشان مش هيقدر يواجه صاحبها أنا عايزة أطلق
إيده اتجمدت في النص و ابتسامته دبلت و عينيه لمعتها اختفت و مبقاش عارف يقول ايه حاول يكدب ودنه بس كل حاجة من الأول بتأكد إن دي النهاية المنتظرة
مقدرتش استحمل اللي كلامي اتسبب فيه فقومت على طول و أنا بقوله أنا آسفة يا أحمد بس أنا مش هقدر أكمل معاك
و دي تاني أوحش جملة ممكن تتقال لأي حد لو مكنتش الأولى طلعت أجري على برا حاولت أهرب بأقل الخسائر بس للأسف
إحنا اتجوزنا ليه!
معرفش صدقني أنا حقيقي معرفش أنا كنت مجبرة ولله أنا مكنتش عايزة اتجوزك و لا كنت أعرفك أصلا أنا اتحطيت في طريقك و فجأة بقيت مجبرة على تمثيل الحب و الغرام اتقالي إنك في يوم هتتقدملي و كل اللي عليا إني أوافق و في الوقت المحدد أطلب الطلاق منك و المقابل إن اللي بحبهم هيعيشوا مرتاحين صدقني أنا معرفش فعلا
فتحت الباب و خرجت بسرعة كانت هى مشيت زي ما قالتلي دخلت أوضتي و قفلت الباب اتصلت بيها و قولتلها إني وفيت بكلامي ليها و إني عايزة اللعبة دي تخلص بقى مبقتش قادرة استحمل أكتر من كدة من يوم ما دخلت اللعبة دي و أنا أعصابي بتضعف يوم عن التاني لحد ما أدمرت فضلت طول اليوم حابسة نفسي في الأوضة و بدعي أخلص بقى عشان تعبت بس يا ترى هو هيوافق
نزلت لتحت فيلا طويلة عريضة مفيهاش مكان واحد البني آدم يعرف يتنفس فيه بحرية لما اتجوزته كلهم حسدوني محدش كان مصدق إني هتجوز البيه ده آه لو يعرفوا قد ايه بيتنا الصغير أوسع من فيلته
عرفت من الخدام إنه مخرجش من