رواية جوزوني عجوز (جميع الفصول كامله) بقلم الكاتبة هويدا زغلو

احمد _ لا والله المفروض ان انا اصدقك كده ده انتي ليلتك مش هتعدي النهارده وبعدها اتصل باسلام واسلام قال
اسلام _يا مدام دعاء لو سمحت مش عايزه اشوف رقمك عندي تاني انا لا يمكن اعمل كده في صاحبي، وف الوقت ده احمد قالو 

احمد _ قولي الحقيقه يا ندى اسلام ده كان خطيبك الاولاني مش كده
ندي _بصراحه اه بس انا فعلا ما اعرفش مراتك كانت بتكلمها وبتقوله ايه
احمد _ هي لازم تتعاقب على اللي هي عملته ده
وبعدها خرجت ل كوثر واقعد جمبها وقالت 
كوثر _ خير يا ندى خدتي حقك من دعاء عايزه تاخدي مني انا كمان ولا ايه 
ندي _ واخد حقي منك ليه انا لو مكانك كنت هعمل كده لو بعد العشره دي كلها جوزي سابني وراح يتجوز عليا عمري ما كنت هسكتله
كوثر _ تعرفي يا بنت لو اني مش بطيقك بس عجبتني الحركه اللي عملتيها ف دعاء دي
ندي _ دعاء دي مش كويسه والله وغلطه عمر ابنك أنه اتجوزها 
كوثر _ والله يا بنتي مشكله اني عرفناها على حقيقتها بعد ما اتجوزها 
ندي _ النصيب ربنا بكره يكرمه بواحده احسن منها 
كوثر _ طيب وانتي يا ندى ناويه تعملي ايه هتكملي مع مصطفى
ندي _ تعرفي والله لو بايدي همشي بس انا هروح فيها اهلي مش عايزين يدخلوني البيت لو اطلقت منه 
كوثر _ خليكي عايشه هنا وخلاص واديكي عايشه في شقتك وانا كده كده خلاص شلت مصطفى من قلبي اساسا 
ندي _ بجد انا مش عايزاكي تزعلي مني او تكرهيني ربنا يعلم انا بحبك ازاي وبجد 
كان نفسي انتي اللي تكوني امي 
كوثر _طب يلا يا بنت اطلعي شقتك جوزك شويه وجاي، وفعلا طلعت وكانت دعاء بتمسح 
السلم وهي عامله تعيط وقولت ليها 
ندي _ اصبري لما اعدي وبعدين عايزه لما اطلع شقتي تبقي تيجي تروقيها 
دعاء _ تبقي عبيطه لو فاكره ان الجوله كده خلاص خلصت لا يا ندى بكره تشوفي انا هعمل فيكي ايه
ندي _ خلاص راحت عليكي يا دعاء مبقتيش
زي الاول اوعي كده من وشي وعدا كام 
يوم وكنت وافقه في المطبخ بعمل اكل 
ودخلت كوثر 
كوثر _كفايه عليكي كده يا ندى بقى طول النهار واقفه في المطبخ يا حبيبتي تعالي اقعدي وانا خلي دعاء تكمل