رواية انا وحمايا للكاتب عادل الصعيدي
انت في الصفحة 1 من 17 صفحات
قصة واقعيه صحيت من النوم بعد ما جوزي نزل وراح الشغل . قمت من علي السرير ورايحه الحمام اخد دوش عشان افوق من النوم وانا داخله الحمام اتفاجت لما لقيت السله بتاعت هدوم الغسيل مرميه علي الارض وهدومي كلها علي الارض .. حاجه غريبه اول مره تحصل معايا الحكايه دي ومن يوم جوازي في البيت العيله مع جوزي ومحصلش الموضوع دي قبل كدا . دماغي فضلت تودي وتجيب وحاولت افكر ازاي ومين وقع الهدوم كدا ملقتش حل . قفلت باب الحمام واخدت شور وخلصت ولبست هدومي . وطلعت من الحمام ولما خرجت من الحمام اتفاجت بحاجه غريبه باب شقتي مفتوح . جريت ابص واشوف في حد بالشقه ملقتش حد . طب وازي حد يفتح الباب كدا . واصلا مفيش غير انا وجوزي الا معانا مفاتيح وبعدين جوزي كل يوم لما ينزل الشغل بيقفل باب الشقه وراه لانه عارف انا بفصل نايمه انا حاسه في حاجات غريبه بتحصل وكمان اول مره يحصل كدا انا مجوزه في بيت عيله وساكنه بشقه بالدور التالت وتحت مني ساكنه نوره سلفتي مرات اخو جوزي الكبير والدور الأول ساكن اخو زوجي الصغير . بصراحه اللي بيحصل دي غريب اووي انا ساره 32 سنه مجوزه في بيت عيله ومعايا ولد صغير وزوجي بيشتغل ممرض في مستشفي. ودي حكايتي وهتعرفوها من خلال القصه ..
اخدت ابني الصغير وقفلت الشقه ونزلت تحت عند حماتي وحمايا عشان اساعد في شغل البيت ولما نزلت تحت لقيت حمايا بينده عليا . قعدت ابني علي الارض ورحت اشوف حمايا عايز اي لقيته بيبصلي ويقولي. _انا سمعت صوت حاجه خبطت علي الارض عندك والا في شقه نوره بصتله وانا بحاول افهم عايز يقول ايه يعني معقول قصده علي سلة الغسيل الا وقعت بالحمام . ولو عليها ازاي الصوت وصل لتحت مع انها بلاستيك مس حديد . التفكير وقف بدماغي . بصتله = لا مفيش حاجه عندي يا عمي ممكن يكون بشقه نوره بصلي وقال :: طيب خلاص ماشي مشيت من قدامه وانا شاكه في الموضوع وفي حاجه غريبه بتحصل اي هيا معرفش وخصوصا انا وطالعه من عند حمايا لقيت نوره بوشي وبتضحك ودي ذود الشك عندي اكتر خصوصا أن نوره سلفتي بيحبها حمايا اووي ودايما بيجبلها اي حاجه تطلبها منه وكمان بيعز ولادها اووي ويصرف عليهم . حمايا كان موظف في بنك زراعي وطلعت معاش وبيقبض كتير خلاف الأراضي اللي عنده ملك يعني حالته حلوه بس عطفه وحبه لنوره سلفتي وولادها غير والكل عارف كدا في البيت .. تاني بالليل اتصل بيا خالد جوزي وقالي انه مش جاي اليوم من المستشفى وعنده شغل مستعجل. قفلت مع جوزي المكالمه وبعدها بشوي لقيت بابا شقتي بيخبط
