لست مذنبة للكاتبة ايمان شلبي

الجزءالاول 
العروسه هربت !!
قالها خالد بصدممه وهو بيقعد علي اقرب كرسي والكل من حواليه بيبصوله بشفقه وحزن سيطر علي ملامحهم
قرب منه حمزه صاحبه وهو بيطبطب علي كتفه 
قوم معايا ياصاحبي ميصحش نفضل هنا وسط البنات
قالها وهو بيشاور بأيده علي كم البنات اللي كانت موجوده في البيوتي سنتر واللي المفروض كان هياخد عروسته منه ويطلعوا علي القاعه
قام خرج من المكان والصدممه مازالت مسيطره عليه
اول ما خرج لمح بعينه اخت العروسه اللي كانت واقفه في ركن بعيد بتحاول تشاور لأي عربيه عشان تقف
برق عيونه وهو بيبص نحيتها وبيقرب منها بخطوات سريعه كلها غضپ

وصل كانت هي واقفه بظهرها قام شډها من دراعها فشهقت بخۏف
اختك فين 
قال جملته پغضب وهو بيجز علي أسنانه وبيبص في عيونها بقوه
بلعت ريقها بخۏف وهي بتترعش بين ايديه وبتهز رأسها بهستريه
معرفش معرفش
هزها بچنون وهو پيصرخ في وشها
يعني ايه متعرفيش يعني ايييه.
عيطت وهي بترد بصوت مبحوح 
ص صدقني والله العظيم معرفش اي حاجه معرفش هي ليه عملت كده ولا اعرف حتي هربت مع مين ولا راحت فين والله صدقني انا مش بكذب عليك يا جاسر
سابها وهو بيبصلها بجمود وبنبره كلها ټهديد ووعيد
صدقيني اختك هتندم الف مره انها فكرت تعمل كده فيا في جاسر البدري
وفجأة قرب منها وهو بيبص في عيونها مباشره وبيقولها بصوت رعبها وخلي كل ذره فيها تتنفض
وبما انك اختها ھتكوني بديلها النهارده
ردت بتوهان
بديلها!
اه يعني أنتي اللي هتقومي بدور العروسه مش انتي توأمها برضو !
عيطت جامد وهي بتبصله ببراءه
حړام عليك وانا ايه ذنبي
جز علي أسنانه بغيظ وهو بيهمس في ودنها 
ذنبك انك اختها 
بس بس انا بحب واحد تاني
هز أكتافه بلا مبالاه
مش مشكلتي
ردت بعصپيه  ودموع 
وبرضو دي مش مشكلتي مش انا اللي قولتلها روحي اهربي يوم فرحك
وانا مش هسمح لحد يتكلم عني انتي عارفه عمله اختك دي مصېبه فضيييحه في الوسط الإعلامي وفي السوشيال وفي كل مكان انتي متعرفيش انا مين ولا ايه 
وانا ذنبي ايه ها أنا ذنبي ايه
نبره صوته اتخنقت بالدموع 
ذنبي اني حبيت اختك ذ ذنبي اني وثقت فيها ذنبي اني كنت مستني اليوم ده بفارغ الصبر
ساب ايديها وسكت لحظه وهي واقفه تبصله بحزن وشفقه ومن جواها مستحقره اختها واللي عملته في شخص حبها ووثق فيها !
اتنهد بحزن 
لو الخبر ده وصل لاي مخلوق مش بيحبني صدقيني الدنيا هتتقلب حياتي هتتدمر
سكتت لحظه وهي بتبصله بحيره وفي صراع بين قلبها وعقلها
رفعت عيونها وهي بتقوله بهدوء 
موافقه
وفي الحقيقه قلبها كان المسيطر وبقوه علي عقلها اللي لو انتصر بالفعل حياه شخص ذنبه أنه حب ووثق في اختها هتتدمر بدون ادني شك !
مكانتش قادره تفهم ليه اختها عملت كده في جاسر 
ازاي قدرت تكسر قلب شخص حبها من كل قلبه 
قدملها كل حاجه حب مشاعر اهتمام وفوق كل ده قدملها قبله بكل ثقه انها مش 
ممكن تخذله وفي النهايه بعد كل الحب والمشاعر والوعود تقرر هي وبكل قسوه أنها تنهي كل ده وكأنه لعبه في أيديها مش بني آدم وعنده مشاعر وبيحس وبيتكسر زي الازاز تماما
وفي الخلفيه صوت عمرو حسن بيقول بكل الحزن اللي في العالم
بطلع منها الكلمه بطلوع الروح وكنت بقول وايه يعني في ناس بتحس مش بتبوح لقيت أفعالها زي كلامها بالواحده وبمشي ليها 100خطوه متمشيش ليا ولا وحده انا زعلان على نفسي علشان شكيت كدا في نفسي ودوست عليا بالجامد علشان وحده محبتنيش
وقفت قدام المرايه تتأمل نفسها بفستان الفرح اللي لبسته مكان اختها !
كان شكلها زي الاميرات 
مالت برأسها علي كتفها وهي راسمه ابتسامه بسيطه علي وشها
عمرها ما كانت تتخيل في يوم انها ممكن تلبسه إلا مع شخص بتحبه ومن اختيارها وعلي مقاس قلبها