روايه جديدة بقلم مروه حمدى

بنت خالتى قمر بقلم مروة حمدى
بنت خالتى قمر 
بقلم مروة حمدى 
أطلقت زفير عالى عقب دلوفها من الباب وخلفها ولداها تزيح غطاء رأسها تجلس على أقرب كرسى قابلها تتابع ولدها بعيناها وهو يتحرك حتى جلس بمقابلتها استندت بذقنها على راحة يدها المرفوعه على قدمها ترفع أحدى حاجبيها منتظره سبب الرفض هذة المرة. 
طال صمته وهو يتهرب بعيناه بجميع الاتجاهات بعيدا عنها وشقيقته الصغيرة لا تساعده بالمرة فقط تتابع الاثنين بإستمتاع شديد وعندما نفذ صبرها من أفعاله 
_ها اتحفنى يا قلب امك ايه السبب المرة دى! ال خلتنا علشانه مكملناش خمس دقايق على بعض ومشينا وانا فى نص هدومى من الجماعه. 

آسر طب بذمتك انا راضى ذمتك كانت تنفع! 
الام مش انت ال قولت عايزها عروسة تسر العين. 
آسردى تعمى العين دى عروسة مولد يا ماما ده انا كنت تكه وهلبس نظارة الشمس علشان اعرف بس ابص فى وشها. 
ليلى حقة يا ماما فى حد يحط فول ميك اب بالنهار كده وروج احمر فاقع بالشكل ده! 
آسر ولا بالليل ولا فى اى وقت. 
الام سهلة كنت الاول اقعد اتكلم ولو عجبك الوضع بعيد عن الميكاج أبقى بينك وبينها اتكلم معاها وخليها تبطله. 
آسر الطم يا ماما اقعد ايه واتكلم ايه ما هى العينه بينه دى داخله عليا ببنطلون مفرقش عن الفيزون وبلوزه قصيرة بالعافية جاية لوسطها! 
ليلى مصححه لا يا أبيه اسمها شميز على الكمر. 
آسر بعيد عن ال بنتك بتقوله ده انتى كان عجبك لبسها ال مفصلها ومش سايب حاجه لخيال المشاهد ! وعلى افتراض انى اتهببت وقعدت وحده طريقه لبسها كده وشكلها كده تفتكرى تفكيرها هيكون ازاى!!! 
ليلى صافينار او لورديانا . 
آسر أهى الهبلة قالت اهى. 
ليلى مسمحاك علشان مقدرة حالتك بس. 
آسر بس يا بومه. 
نظر إلى والدته متابعا ولنفترض ان أسلاك مخى ضړبت وعجبتنى طريقه تفكيرها وقولت هتكلم فى موضوع اللبس والميكاب مش خاېفة عليا! مش خاېفة من ال ممكن اتفاجا بيه تحت وش الدهان لما يجئ على المحارة! 
كتمت ليلى ضحكاتها بصعوبه حتى والدته ولكن ماذا تفعل لقد تعبت حقا كل عروس يذهب لرؤيتها يرفضها حتى ذاع صيته بالمنطقة بأنه متعجرف مغرور يرى نفسه أعلى من الجميع. 
الأم ما انا زهقت وتعبت وشكلنا وسط معارفنا وأهلنا بقا وحش واحنا كل ما نخبط على بيت نزحلق بنتهم ونطلع فيها القطط الفاطسة ونمشى.
آسر تقومى تلبسينى فى مصېبة العمر كله 
الام طب دى ومصېبه وال قبلها ها ايه اعتراضك بقا فهمنى لبس واسع محترم خمار وما فيش نقطه احمر ولا أخضر فى وشها. 
آسر وعصبية و كان فضلها تكه وتضربنى لما سألتني حافظ كم جزء ولما قولت سبعه حسيتها بتدور على حاجه تخبط نفوخى بيها وهى بتسألني والباقى علشان بحسن نيه منى بقولها مشغول الفترة دى وهحاول اكمل... 
ليلى دى كان
عليها بصه جابتني من فوق لتحت وبصباعها كده شاورت على ايدى انا فى الاول مفهمتش لما لقيتها بحلقت وشاورت على الكم ال ڠصب وانا قاعده اترفع بسرعه عدلته وقتها رفعت عنى الحصار وبصت بعيد عنى.
الأم انت عايز تجنني يا بنى! مش انت ال قولت عايزة متدينه تعرف ربنا! تساعدك تقرب منه! 
آسر ماما البنت لا غبار عليها ادب اخلاق لبس واسع محدش جاب سيرتها بكلمه وحشة متدينه ومتشددة كمان وقبل ما تتكملى ده مش عيب نهائى بالعكس لكن المشكلة فى الطبع يعنى واضح اوى انها عصبية جدا.
الام يا حبيبى دى بس علشان غيورة على الدين وعلشان كده.. 
قاطعها آسر سريعا. 
_يا ماما يا
حبييتى لو كنت فظا غليظ القلب لأنفضوا من حولك الدين ترغيب مش ترهيب يعنى بالراحه تتكلم تقولى تنصحني طالما شايفة انى مقصر ولا بد من النصيحه . 
كمان حتى النصيحه ليها قواعد يعنى النصيحه على الملأ ڤضيحه هى كان كل كلامها ټهديد تخويف عملت زى الشيخ ال واحد راحله وقاله عايز اصلى وانتظم قاله عليك سنه وفرض وفضل يعد له فى الركعات ال عليه الواد سابه وجرى بدل ما يتعامل معاه على انه طفل وعلى اول الطريق و بالراحه فرض فرض لحد ما ينتظم وقلبه يتعلق وبعدها الفجر وبعدها وحده وحده هو لوحده هيروح على السنن ده خبط لزق صعبهاله فهرب!
اخذ نفس عالى مكملا قوليلى لما طريقة نقاشها فى حاجه بديهيه ولا خلاف عليها بتكون بالشكل ده أومال لو اتجوزنا و كان فى خلاف على حاجه وكل واحد ليه رأى هنتكلم ازاى هنتفاهم أزاىهنوصل لحل ازاى 
حياتنا على طول هتكون مشدودة توتر وعصبية مش ده ال انا عايزه 
الام انت عايز ايه بالظبط علشان انا احترت. 
آسر بنوته هادية رقيقه مش هقول ملكه جمال بس على الاقل ملامحها مقبولة على خلق ودين صعبة دى.. 
الام طب ما هى.... 
آسر مقاطعا بسرعه واقفا من مجلسه ما تكمليش حافظ انا ماهى قمر بنت خالتك موجوده وفيها كل ال بتقول عليه صح 
بس احب اقولك قمر لا. 
الام فى اثره انت
الخسران بس أعمل