رواية ابنه الراق@صه (كامله جميع الفصول) بقلم روزا
هدي هزت راسها بالموافقه وقالت: بس ممكن يعني الاقي عندك حاجه البسها.
رامي: ااه صح بصي مشي شي نفسك بأي لبس تلاقيه ينفعك وبكرا هشتريلك الي امتي عايزاه.
هدي: تمام.
وخرج وقفل بالمفتاح من برا.هدي قعدت شويه تستكشف البيت وجماله وشياكه الأثاث لدرجه كانت خايفه تتحرك تبوظ حاجه بس قررت تدور علي اي حاجه تلبسها مش لاقيه حاجه لحد ما لقيت قميص وبنطلون مش علي مقاسها بس لبستهم وفضلت تلف في البيت وتتمني أن كل دا ما حصلش وتتمني ما تكونش اتجوزت عماد وكل دا يكون حلم.. تعبت من التفكير ونامت علي الكنبه.
رامي كان بيتمشي في الشارع وبيفكر اللي هو عمله دا صح ولا غلط: يا رب هو اللي انا بعمله دا صح ولا غلط يا رب انا مش عارف أنا بعمل اي ويا تري اللي انا خدتها البيت دي اي حكايتها ووراها اي ومين عماد دا اللي هي خايفه منه كدا وكانت هربانه من اي وباللبس دا انا اذاي ما سألتهاش بس لو سألتها هتشك فيا وتقول اني ما اعرفوش وتهديدي بيه هيبقي مالوش لازمه اووووف. فضل يلف لحد ما الشمس طلعتو اتمشي لحد ما وصل البيت.
االباب اتفتح ودخل رامي وقفل لقاها نايمه دخل علي أوضه وقفل الباب.
بعد وقت هدي فاقت ولقت أكل وأكياس محطوطه علي الكرسي جمبها فهمت أنه جه ودخلت اول أوضه قابلتها عشان تقيس اللبس لبست بيجامه منهم وطلعت تحضر الفطار.. دخلت المطبخ خلصت ووقفت عند باب الوضه اللي هو نايم فيها وخبطت خبطه خفيفه.
نوسه بتجري: يالهوي الحقيني يا أبله سي حامد هيموتني.
حامد: دا انتي ليلتك بني بقي يا بنت الكلا..ب تسلمي رقبتي للكل.ب دا انا هوريكي. وفضل يضرب فيها
وشدها من شعرها ورماها علي السلم.
غاليه بتسلك: اي يا جامد البت زنبها اي سيييبها.
حامد:مالكيش قعاد معايا في بيت واحد يا وااااط.يه.
قفل الباب.
حامد انتي تسكني خالص ما كان زماني مخلص عليها انتي اللي قلبك رهيف هتودينا في داهيه وديني لا موتهم هي والكلب التاني اللي جاي يتهجم عليا.
نوسه سمعت الكلمتين وطلعت جري علي الشارع..
ودخلت الصيدليه.
نوسه هي بتعيط: حسين حسين الحقني حامد هيقتلني.
حسين: اهدي اهدي اي اللي عمل فيكي كدا هو اللي ضربك كدا.
نوسه بتعز رأسها بايوه: والنبي تخبيني عندك هيقتلني.
حسين ما تخافيش يا نوسه م هيعملك حاجه قدام الناس تعالي معايا.
وخدها ووداها عند والدته.. حسين: ماما بعد اذنك نوسه هتقعد هنا شويه لحد ما تشوف مكان تقعد فيه.
الحاجه سعاد: ليه يا ابني في اي ومين نوسه دي تعرفها منين.
حسين وهو بيشاور لنوسه تدخل الحمام تغسل وشها.
حسين: ادخلي انتي اغسلي وشك.. ودخلت من غير كلام.
الحاجه سعاد بهدوء: في اي يا ابني مين دي.
حسين: معلش يا ماما دي بنت غلبانه كانت بتشتغل عند ناس في بيت قدام الصيدليه جيراني يعني وعارفهم وعارف البنت دي.
الحاجه سعاد بعدم فهم: ايوه يعني مالها دي متبهدله خالص
حسين: ضربوها وطردوها.
الحاجه سعاد: يبقي سرقت حاجه او عملت حاجه وحشه.
حسين: لا يا ماما دي غلبانه الرجل صاحب البيت مش كويس ومفتري وجاتلي تستنجد بيا ارميها في الشارع.
الحاجه سعاد: لي يا ابني هي مالهاش أهل يسألو عليها.
حسين: علي ما اعتقد لا امها ميته من زمان وأبوها م١ت من فتره والست صاحبه البيت خدتها تشتغل عندها.
الحاجه سعاد: يا عيني عليكي يا بنتي.. طيب ما تشغلها عندك في الصيدليه يا حسين اكسب فيها ثواب.
حسين: لا يا ماما انا مش عايزها تظهر قدامه ليعمل فيها حاجه.
الحاجه سعاد: طيب خلاص سيبها هنا تساعدني شكلها غلبانه وانا محتاجه حد هنا معايا انا خلاص ما بقيتش اقدر علي شغل البيت لوحدي.
حسين بتردد: انا افضل اشوفلها مكان تاني تشتغل فيه وانا هجيبلك واحده تانيه تساعدك.
الحاجه سعاد: لي يا ابني دي شكلها غلبانه وانت بتقول عليها كويسه وتستاهل الثواب سيبهالي يا ابني.
حسين باستسلام: حااضر يا ماما انا مضطر انزل دلوقتي وهاجي علي الغدا إن شاء الله..
وباس راسها ونزل نوسه كانت واقفه تسمعهم بابتسامه عريضه أنها هتقعد معاه وتشوفه كل يوم وهي ماكانتش طايله تسمع صوته بس حتي أو تشوفه مره في الصيدليه.
قاطع تفكيرها الحاجه سعاد.
الحاجه سعاد: يا نوسه يا بنتي تعالي عايزاكي.
نوسه هي باصه في الارض: نعم يا حجه.
الحاجه سعاد: معلش يا بنتي انا عارفه أن اعصابك تعبانه بس انا محتاجه اتكلم معاكي.
نوسه: خير يا حجه.
الحاجه سعاد: يا بنتي انا بس كنت عايزه تطلب منك طلب... كنت محتاجاكي تساعديني هنا في البيت انا مش هخليكي تمشي انا محتاجاكي بس الأمانة مطلوبه والنضافه قبل كل شئ ها قولتي اي.
نوسه سكتت شويه عشان ما تبينش أنها هتموت وتقعد: معلش يا حجه بس انا مش عايزه ابقي حمل عليكم كفايه الدكتور حسين واللي عمله معايا.
الحاجه سعاد: انا مش هضغط عليكي بس انا محتاجاكي فعلا تساعديني مش عطف لا سمح الله انتي هتعملي مهمه انسانيه وتاخدي أجرك كمان فكري وردي عليا.
نوسه: من غير ما أفكر يا حجه انا ما اقدرش ازعلك انا تحت امرك
