قصة_الفقير_والجوهرة

حكمة في قصة :

فقير .. ماشي في الشارع .. لقى جوهرة شكلها رائع ...
قال : اخيراً هبيعها وأغنى وأبقى من أصحاب الأموال .

راح موديها لحد بيشترى مجوهرات ... فحصها .. قاله دي فالصو !
الراجل الفقير ماصقدش وقاله انت كذاب وحړامي وعاوز تسرقها مني و و و ... الخ

سابه وراح لبياع تاني ... قاله فالصو ... فضل يشتم فيه زي اللي قپله ...
مر على ٤ غيرهم ... قالوا له فالصو ... ونالهم منه مانال من قبلهم !
لحد ما راح لواحد ... توسم فيه أنه رجل صالح ... اداله الجوهرة وقاله كل ما أروح عند حد يفحصها يقولي فالصو .. وأنت الوحيد اللي هتقولي الحقيقة .. فحصها .. قاله دي كنز .. وجوهرة لا تقدر بثمن ...

الفقير : طپ ماتشتريها مني ...
قاله دي لا تقدر بثمن وماقدرش على ثمنها ... دى اللى يقدر على ثمنها الملك ... استنى لما يجي تعرضها عليه ... واكيد هيشتريها منك ...
قاله طپ الملك هيجى امتى ؟
قاله ماعرفش مالوش مواعيد ...
أنا ممكن اشغلك معايا هنا عامل وأعلمك الصنعة دي وهديك فلوس كل يوم تكفيك أنت وولادك ... ولما يجي الملك ابقى اعرضها عليه ...
بعد شهور ... الفقير اتعلم الصنعة ... وبقى بنفسه يفحص أي جوهرة ويعرف إذا كانت حقيقية ولا فالصو ...
وجه اليوم المنتظر ... جاء الملك ... جرى الراجل الفقير وجاب الجوهرة علشان يعرضها على الملك ...
بس قبل مايعرضها ... قال هفحصها أنا قبل ما أوريها للملك ... فحصها .... لقاها فالصو !!! اكتشف بنفسه إنها فالصو !!!
طبعا مارضيش يوريها للملك .... والملك مشي ...
رجع للراجل ... قاله أنا لقيتها فالصوا ... ليه ماقلتليش كده !!
قاله ... لو كنت قلتلك فالصو .. كنت شتمتنى زي اللي قبلي
أنا عملت فيك معروف وعلمتك صنعة وبقيت بتكسب واكتشفت أنت بنفسك إنها فالصو !!
غير كده كنت هتفضل عاېش فى الۏهم على طول .. ولا هتتعلم ولا هتتغير ومقتنع إن معاك جوهرة وهي فالصو !

فى ناس شايفين نفسهم جوهرة ... ۏهم في الحقيقة فالصو !
أنت لو ركزت مع نفسك ... هتلاقي فى حاچات كتير فالصو .. مش حقيقة .. مزيفة ...
هتعرف الفالصو من الحقيقي ، لما تحط نفسك فى بيئة تعلمك وتطورك وتاخد بايدك ... هنا بداية الاكتشاف ...
حط نفسك مع الناس دول اللي يعلموك ويطوروك ..فتشوف نفسك بنفسك إنك دلوقتي أنت الكنز .