رواية جديدة بقلم ملكة الروايات By Menna younis

ما حبيت غيرك ولا هحب غيرك ازاى انت اكيد بتهزر قول يا احمد قول انك بتهزر وانا مش هزعل منك 
احمد بحزن بيحاول يداريه همس أنا مبهزرش أنا هسافر وانتى انسينى وابدأي حياتك من جديد انتى لسه صغيره ولسه قدامك مستقبل اكيد هتلاقى حد يحبك وتحبيه لكن أنا لا أنتى كنتى ليا حب مراهقه كنت منجذب ليكى فى الاول لكن بعد كدا خلاص انسينى يا همس 

همس بدموع واڼهيار قالت مش بالسهولة دي انساك هوا مش زرار هدوس عليه انساك انا حبيتك بجد والله حبيتك ده مش حب مراهقه وهيتنسى لا ده انت حب طفولتى من وانا صغيره كنت بشوفك حاجه كبيره اووى كنت بفرح بأقل كلمه تقولهالى ومتتخيلش الفرحه اللى كنت فيها لما قولتلى انك بتحبنى كنت مبسوطه لدرجه انى حسيت أن مالكت الدنيا كلها 
تيجي انت دلوقتى وتقولى انسى مش هقدر بلاش كل ده اي اللى غيرك من ناحيتى كدا 
احمد بهدوءهمس ارجوكى افهمى بقى أنا مش هقدر اكمل معاكى اقولك انا حبيت واحده تانيه ارتحتى كدا ده غير أن أنا خلاص مسافر ومش فاضى للكلام الفارغ ده 
همس وحست أنها هيغمى عليها مبقتش قادره تقف على رجليها وقالت حبيت واحده تانيه انت ازاى بتقدر تلعب على البنات كدا ازاى فهمنى ازاى بتقدر توهمها بحبك ليها وفى الاخر تقولها معلش أنا مش قادر اكمل معاكى ازاى 
وانا بقيت بالنسبالك كلام فارغ ماشى يا احمد يا خساره كل الحب اللى حبيته ليك يا خساره كل السنين اللى كنت مفكراك امانى وسندى فى الدنيا 
سافر يا احمد وكمل تعليمك برا واشتغل وحقق حلمك بس مش عايزاك تنسى حاجه واحده انك عمرك ما هتلاقى حد يحبك قد ما انا حبيتك خليك فاكر الكلمتين دول كويس 
مع السلامه يا احمد 
مشت همس تايهه مش قادره تتخيل أن ده احمد اللى حبيته مش قادره تصدق أنه طلع بيلعب عليها كل ده ومش بيحبها دموعها نازله بصمت وبتكلم نفسها وهيا ماشيه فى الشارع 
ليه كدا يا احمد ليه توجعنى بالمنظر ده ليه يا احمد ده انا لو كنت عدوتك كنت هتشفق عليا ومش هتكسرنى كدا حرام عليك الۏجع اللى حساه فى قلبى ده حرام عليك 
وفجأة مسكت التليفون ورنت على منة صاحبتها 
منة اي يا همستى 
همس بشهقات وكلام متقطع اننن انتى كنتى صح ياريتنى سس سمعت كلامك ازاى قدر يعمل فيا كدا ازاى قدر يسيبنى بالسهولة دي ويقولى أنا حبيت واحده تانيه 
انت كنتى صح لما قولتيلى أنه بيضحك عليا ومش بيحبنى بس انا كنن كنت غبيه ووثقت فيه أنا مش قادره قلبى وجعنى اووى يا منة 
انا حبيته بجد وهوا طلع بيضحك عليا كل كلمه قالهالى طلعت كڈب 
همس بصوت عالى أنا بكرهككككك ربنا ينتقم منك ربنا ينتقم منك 
منة بفزع وقلق همس أهدى أنا مش فاهمه حاجه اهدي علشان خاطرى وقوليلى انتى فين هاجى اخدك همس الو الو يا همس ردى عليا 
همس بتوهان بتقول وجعنى اوووى لا ويقولى قدامك مستقبل كبير هتحبى تانى احب تانى ازاى وانا مبشوفش غيره قوليلى احب تانى ازاى 
ليه يا احمد سبتنى ليييه كدا ليه توجعنى كدا 
انا حاسه بڼار فى قلبى يا منة حاسه انى هيجرالى حاجه 
منة بقلق اكتر علشان عرفت أن همس

مش فى وعيهاا همس حبيبتى أهدى وقوليلى انتى فين ماشى ولما اجي نشوف هوا سابك ليه ممكن تقوليلى انتى فين 
همس بتوهه أنا فى شارع تعالى خدينى انا حاسه انى لوحدى 
منة وهيا بتلبس طب أهدى أنا جايه اخدك خليكى معايا على التليفون ماشى يا همس 
وفجأة لقت التليفون فصل همس الو الو يا همس 
لبست بسرعه ونزلت ركبت التاكس وقالتله على العنوان اللى همس قالتهولها
اول ما وصلت المكان لقت ناس متجمعه كتير وراحت عليهم وفجأة 
وفجأة لقت همس واقعه فى الارض فاقده الوعي والناس بتحاول تفوقها 
قربت منة بدموع وحاولت أنها تفوقها همس حبيبتى فوقى يا قلبى 
رشت على وجهاا مايه وضړبت خدها بخفه بس همس كانت استسلمت للأمر الواقع ورافضه أنها تفوق 
منة بصوت عالى قالت حد يطلب اسعاف بسرعه 
وفعلا شخص من اللى كانوا واقفين طلب الإسعاف وشويه واجي وراحوا على المستشفى 
فى المستشفى
دخل الدكتور وكشف عليها وخرج واول ما خرج جرت عليه منة 
منة پخوف قالتدكتور طمنى هيا عامله اي 
الدكتور برسميههيا كويسه الحمدلله جالها اڼهيار عصبى وضغطها وطى وانا اديتها حقنه وشويه وهتفوق تقدرى تدخلى ليها 
منة وهيا بتفتح باب الاوضهشكرا يا دكتور 
دخلت منة لقت همس فاقت ودموعها نازله على خدها وعيونها حمرا ووشها اصفر 
منة بقلق عليهاهمس حبيبتى عامله اي دلوقتى طمنينى عليكى 
همس بصوت مخڼوق أنا كويسه 
منة بحزن عليهاهمس اي اللى حصل يا حبيبتي قوليلى متكتميش فى قلبك
همس پخنقه وصوت كله دموع قالت أنا مش قادره اتكلم يا منة دلوقتى معلش 
منة بسرعه قالتبراحتك يا همس الوقت اللى تحسى انك عايزه تتكلمى أنا موجوده ومتترديش ثانيه انك تتكلمى 
همس بابتسامه حزينه ماشى يا منة 
شويه وقالتلها منة يلا نروح يا همس المحلول خلص 
همس يلا هغسل وشى ونمشى 
ومشو من المستشفى ومنة وصلتها البيت وبعد كدا روحت
عند أحمد لما روح البيت
محمود بجمودعملت اللى قولتلك عليه 
احمد بعيون مليانه دموع اها 
محمود بشكفين التسجيل اللى طلبته منك 
احمد وخرج تليفونه وسمعه اللى حصل 
محمود بابتسامه نصر كدا تمام كدا أنا ارتحت صحيح دلع بنات دي لو بنتى كان زمانى كاسر رقبتها من غير شفقه قال حبيتك قال 
كدا انت تبقى ابنى حبيبى وانا هاخدك بكرا ونخلص إجراءات السفر لغايه ما النتيجه تطلع علشان تسافر تكمل تعليمك برا وتبقى اكبر دكتور وراجل يعتمد عليك 
واعمل حسابك انت هتسافر تتعلم وتشتغل تصرف على نفسك أنا كدا عملت معاك الصح اعتمد على نفسك بقى 
احمد بكسره وكره قاله والله كتر خيرك لغايه كدا أنا مش عايز منك حاجه غير انك تسافرنى وخلاص وانا هشتغل واعتمد على نفسى 
محمود ببرود وبعدم مبالاه  خلاص قلتلك هخلصلك ورقك بكرا علشان تسافر اتفضل خش اوضتك بقى 
احمد وهوا ينظر لولدته بحزن ودموع بيكابر نزولها ودخل اوضته 
دخلت سلوى اوضه ابنها لقيته بيعيط وعيونه حمرا 
سلوى وقلبها موجوع على منظر ابنها حبيبى يا بنى بطل عياط يا حبيبي أهدى كدا وصلى على النبى وقوم اغسل وشك وكل حاجه هتتحل وهتبقى كويسه 
احمد بحزن ظاهر عليه اي اللى هيتحل مفيش حاجه هتتحل خلاص وجعتها وكسىرتها همس متستاهلش كل ده منى متستهلش كل اللى حصل انهارده 
سلوى بحزن على ابنها وبنت اختها يا بنى ساعات الفراق بيكون الحل والوحيد علشان الحياه تمشى وتستمر ومين عارف مش يمكن لما تتعلم ويبقى معاك فلوس تبقى بتاعتك انت ترجع تخطبها ڠصب عن اي حد 
أهدى كدا وقوم اغسل وشك وصلى وادعى ربنا يريح قلبك 
احمد وهوا يبوس ايديها ربنا يخليكي ليا يا ست الكل كلامك ريحينى اووى 
سلوى بحبحبيبى ويخليك ليا يارب 
نرجع لعند همس روحت البيت واول ما دخلت 
هدى بقلق كنتى فين يا همس كل ده قلقتينى عليكى يا حبيبتى وتليفونك مقفول ليه
همس بتحاول تدارى حزنها وۏجعها قالتمعلش