روايه اتجوزت بطلة مصارعه بقلم الكاتبه ريناد يوسف
شالته وخرجته بره قعدته عالسفره
رعد قرب تحت السرير وقمر شافت رجليه وعملت نفسها مغمى عليها لكن هو اكتشفها من حركة عنيها
رعد لف بالراحه من الناحيه التانيه وبصلها وطلع فوق السرير بخفه...
قمر فتحت بعد شويه لما حست انه مشى
واتنهدت پعنف... الله ېخرب بيوتكم ياعيال رهف قطعتو خلفى انا واخوى اللهى تتقطع رقابيكم يارب...
ريناد اخرجى ياقمر خلاص مشى
قمر روحى الهى جاكى مشش انتى واخوكى
ريناد بقولك مشى خلاص
قمر اخرج كيف وانى عاااايم فى بحر الغدر وشط النداله مليان
ريناد ومهاب فطسو من الضحك ورعد وقع على السرير من كتر الضحك
قمر حست بحركته فوق السرير بصت لفوق
مهاب الله يكسفك ياشيخه
احنا لما عنتخضو عتحصلنا حجات غريبه
السرير عمال يتهز من ضحك رعد عليه وهو نايم
قمر فرفط الهى تفرفط متقوم تانى ...
رعد من وسط ضحكه وعاملينلى مشكله ومش عارفين نروى الارض طب وقفوها كل شويه فى حته وخضوها وهى تروى الصحرا كلها لا اراديا هههههههههه
قمر خرجت دماغها من تحت السرير وندهت على رعد
رعد نزل دماغه وهو بيضحك لسه
قمر بص ياحظابط بما انك فى مهمه عسكريه.. فأى حاجه شوفتها تعتبر اسرار دوله
واى افصاح عنها اسمك بتخون بلدك والعيال يهاهو عليك ويقولو الخاېن اهه
رعد ضحك بصوته كله لغاية ماوقع من على السرير جمبها وبصلها وسد مناخيره وخرج وهو بيضحك
قمر عقولك ايه انتا لازمن تشوفلى حل فصواميلى الخربانه دى.. يعنى ايه... لو نايمه جمب جوزى فى المستقبل وهزر معاى وخضنى اشخ عليه
مهاب اتنيلى لو عارف اشوف حل كنت شفت حل لحالى فالاول
ريناد بتضحك عليهم جوا المطبخ وهى بتحضر الفطار وكل شويه صوت العساكر بره يعلى بحماس وهما بيعملو الحركه فى المكان
مهاب طلع لهم ووراهم يعملو ايه ويبتدو من فين والعساكر انتشرت فى الصحرا زى الاسود وشويه وجات معدات حرث وتقليب للارض ومساويه وتجريف
مهاب ايه ديه كمان
رعد ايه دى معدات تدريب العسكر ومن مصر
مهاب يااااحبيبتى يامصر
وابتدا الكل فى الشغل ومهاب بيبص على العساكر وهما بيشتغلو بهمه ونشاط وشويه وجات معدات حفر ومواسير
رعد مصر بتحبك اوووى يامهاب
مهاب تحياااا مصر ياعم..
مهاب حدد للعساكر المكان المناسب للبير والعساكر ابتدو يحفرو ويلفو فى المواسير عشان تنزل لتحت اكتر واكتر كانهم بيلفو دراع ساقيه
مهاب قلع جلابيته وفضل بالداخلى وراح يلف معاهم وهو بيغنى بسعاده بصوته الجميل
والعساكر ترد وراه
هيلا هيلا.. هيلا ...هيلا هيلا
بأدينا نعمر صحارينا
وأتمر ارضك يابلادى
ومن خيرها راح ياكلو ولادى
هيلا هيلا ...الهمه يارجاله
صحارينا محتاجه شقانه
هرويها بعرقى وبدمى
دى ارضي وغاليه زى امى
يااخويا وولدى وواد عمى
يلا سوا نعمر صحارينا
وهيلا هيلا ....هيلا ...هيلا هيلا
بأدينا نعمر صحارينا
بقلم ريناد رينووو
ريناد واقفه ومتابعه مهاب من الشباك والسعاده اللى مرسومه على وشه وبصت لرعد اللى قلع هو كمان وفضل يلف ويشتغل معاهم..
قمر له مش وقت تسبيل ياحبة قلبى حدانا جيش عاوز ياكل.. تعالى اسقطى فمجور العجين والنهارده مفيش مشكله انك تنزلى برجليكى عشان عاوزين كميات كبيره قوى
وعلى فكره هسيبك تخبزى الخبيز كله لوحدك وانا هطبخ...
لكن ياحزنى فين الطبيخ اللى هيكفى الناس دى كلها
لسه بيتكلمو وسمعو صوت عربيه وقفت قمر بصت من قدام الباب وشافت عربيه مكتوب عليها القوات المسلحه للسلع الغذائيه... ونزلت ناس منها وابتدو ينزلو فى اكياس كتير مغلفه ولحوم ودجاج متلج وكل لوازم الطبيخ
قمر ياما انتا كريم يااارب فرجت يارناد يلا اخبزى وانا هطبخ
قمر بس طلعى العيش حلو
ريناد لا متقلقيش دول بياكلو اى حاجه مبيدققوش اهم حاجه الحاجه تكون بتتمدغ دول وحوش يابنتى
قمر الله يطمنك
رعد زغد مهاب فى كتفه وشاورله بدماغه على العربيه ومهاب بصلها وبصله بذهول
رعد مش بقولك مصر بتحبك
مهاب والله مش عارف هرد جمايل مصر دى كيف انا
رعد اتنازل عن الارض للدوله
مهاب عقولك يارعد باشا لم عساكرك وروح انا مبطل ملاعبش تانى
رعد ضحك بصوته كله وكملو شغل
عند قمر عسكرى من العساكر شافها اخدت الاكياس كلها من العربيه وبتدخل فيها جه يجرى عليها
العسكرى عن اذنك ياأنسه هدخلهم بدالك
قمر تشكر يادفعه والله..
العسكرى ابتدا يدخل معاها الاكياس... على فكره انا ممكن اساعدك انا بعرف اطبخ كنت شغال فى مطعم قبل الجيش وانتى مش هتقدرى تطبخى لكل العساكر لوحدك...
قمر والله يبقى كتر خيرك يادفعه
العسكرياسمى مصطفى
قمر قمر
مصطفى نعم
قمر اسمى قمر
مصطفى اه... عاشت الاسامي ياقمر اسم علي مسمي..
رعد من بعيد شاف مصطفى مع قمر ومش عارف ليه اتنرفز وراح عليهم
رعد بتعمل ايه هنا ياعسكرى
مصطفى هساعد الانسه فى الطبيخ يافندم..
رعد لا مفيش داعى اتفضل انت على الخدمه يلا..
مصطفى تمام يافندم ومشى...
قمر ليه اكده ياظالم كان هيطبخ معاى
رعد انا هطبخ معاكى
قمر لوت بقها اذا كان اختك البت معتعرفش وععلم فيها مفيش فايده علم فى المتبلم هتعرف انتا
رعد هعمل زى ماهتقولى... وبعدين اياكى طول مالعساكر هنا اشوف خيالك بره البيت..
وبعدين ايه ده وشد شوية شعر كانو باينين من طرحتها
قمر شوفو الواد .. اوعى ياواد ياولعه طب دانتا كنت سايب اختك تقعد وسطهم بشعرها كله ومش بس شعر راسها!!! وبشعر صدرها كمان هتعمل نفسك حامى الارض والعرض اهنه!!!
رعد يابنتى اختى عادى تقعد زى ماهى عاوزه.. دى ارجل منهم ومحدش هيبصلها.. وخصوصا عشان شعر صدرها اللى بتقولى عليه ده.. لكن انتى...
قمر اني ايه
رعد قمر وانتى قمر
قمر ههههع طيب مامعروفه دى لازم قمر وابقى قمر امال قمر وابقى زنوبه
رعد طب خشى قدامى جوا ياكتلة غباء ومشفكيش طلعتى دماغك بره الباب لغاية مالعساكر تمشى...
قمر باعتراض اسمع اهنه ياحظابط.. انا هدخل دلوك صوح.. لكن هدخل اسوى الوكل بس... لكن بعد مااخلص هطلع والف وسط العساكر براحتى ومحدش فى العالم ده شوف فى العالم يقدر يمنعنى..
رعد عمر مسدسه وحطه فى دماغها
انتى بتقولى ايه يابت انتى!!! انتى هتعصى اوامرى
قمر ايوه هعصاها.. وحتى لو كتلتنى برضو مش هخاف وهطلع عند العساكر يعنى هطلع... وانت لازمن تعرف ان كل اللى بيحصل ده ربنا مدبره عشانى انا ..
عشان يدينى فرصه وانا لايمكن هضيع فرصتى
رعد باستغراب فرصه لايه بالظبط
قمر فرصه للجواز.. ربنا عارف ان المخروبه دى معيجيهاش رجاله بعتلى كل دول عشان انقى.. وانا لايمكن اضيع فرصتى بيدى...
اعذرنى يابيه بس دى غريزه وقانون البقاء هو اللى عيحركنى
رعد بزهول بت انتى اتلمى اما انتى مناخوليا صحيح!!!
قمر اتلم ليه عقول حاجه حرام ولا عيب انا عاوزه اتجوز ...ات ج و ز عشان اشارك فى المحافظه على الچنس البشرى
رعد شال المسډس من على دماغها وحطه على دماغه هو اموت نفسى عشان ارتاح من غبائك دا
قمر مۏت بسرعه عشان انت واقف فى طريق سعادتى وبتعرقل سير المنظومه البيئيه...
رعد ادخلى قدامى ياقمر ادخلى وفضل يزق فيها...
قمر بس هطلع بعد مااخلص طبيخ ادينى عقلك اهه...
رعد هخلى العساكر تغمض عنيها ومحدش هيبصلك
قمر هقولهم خلاويص واخليهم يفتحو
رعد لطفك
