روايه زوجة الابالسة رائعه وكامله بقلم هدى زايد

و نروح احنا 
ازاي بس يا حسنة نروح من غير معاد 
ديه بيت اخوك و خيتي معاد إيه اللي بتتحدد عنيه !!
وضع زين الجريدة جنبا و قال بهدوء
يا حسنة الذوق و الاتيكيت بيقول كدا
ردت بنبرة ساخرة و هي تحاول تقليده 
الاتيكيت بيجول كده بجل لك إيه أني اللي اعرفه لما أحب اروح مقان اروحه غير كده لا
رد زين بنفاذ صبر متسائلا
و افرض بقى طلعوا نايمين و لا خرجوا نكسف نفسنا عشان حضرتك بتحبي تروحي المكان من غير أذن !
ردت بعصبية متسائلة
أنت عاوز إيه أنت دلوجه !
عاد يقرأ الجريدة من جديد و قال
مش عاوز حاجة اعملي اللي يعجبك

نظرت له بضيق و هي تتنفس پغضب مكتوم 
وضع من جديد الجريدة جنبا ثم قال بتساؤل
عاوزة إيه بس متزعليش نفسك كدا
ردت بضيق و هي تضع يدها أسفل خدها 
عاوزة اخرچ اشم هوا
ابتسم لها و قال بهدوء
و هو عاوزة يخرج يشم هوا يروح لخالد اخويا بردو 
اعمل إيه يعني أني اعرف حاچة غير هم و جلت لا ! 
طب قومي البس و نتفسح في أي مكان 
چد يا زين بتتحدد چد و الله  
اه و الله فيها إيه يعني قومي يلا
تابع برجاء 
بس معلش منتأخرش عشان عندي شغل الصبح بدري و محتاج انام بدري
ردت حسنة قائلة بإحباط 
لا و على إيه بلاها منها الخروچة ديه و اصل 
ليه بس أنا بقل لك نخرج و نقضي ساعة برا و نرجع بدري أنا مش ممانع 
لا أصلها ملهاش لازمة الساعة ديه الوجت اتاخر أساسا
رد زين و قال بإبتسامة واسعة 
خلاص يا ستي متزعليش نفسك بكرا هحاول ارجع بدري و نخرج نقضي السهرة برا
تابع بنبرة تغلفها الحزن 
و دي تبقى هدية الطلاق ما هو خلاص فاضل عليه عشر أيام بس و تبقي حرة
ترددت الإبتسامة على شفتاها و هي تعود بجسدها للخلف ساد الصمت بينهما حتى قررت أن تنسحب من المكان متجهة نحو الشرفة تتابع الطريق .
في مساء اليوم التالي
كان زين يحاول الاتصال ب حسنة لكنها لم تجيب حاول أكثر من مرة حتى قامت بالرد عليه رد بلهفة قائلا 
فينك يا حسنة قلقاتيني عليك طب قربتي تخلصي و لا لسه قدامك كتير تمام مافيش مشكلة الساعة بتاعتك دي انا بقيت حافظاها عموما أنا فاضل أقل من عشر دقايق و اكون عندك مع السلامة .
انهى مكالمته و هو يتابع في المرآة السيارة التي تراقبه لاحظ خروجها منذ أن خرج من الشركة و حتى هذه اللحظة توقف فجاة بعد ق طع عليه مجموعة من الرجال الملثمين حاولوا جذبه من السيارة عنوة تشاجر معهم و لكنهم كانوا أكثر عددا و قوة بدأ الرجال في تهشيم عظامه مما جعله يسقط أرضا و هو يتأواه إثر الضربات العڼيفة التي تلقاها منهم 
وقف شداد كبير هذه المجموعة و قال
الداكتور عمر بيجول لك المرة ديه چات سليمة المرة الچاية پموتك و بيجولك خلي بالك لأن كلتها عشر ايام و يرچع اللي خدته منيه .
غادر شداد تاركا زين يسعل بشدة و هو يزحف على بطنه ليصل إلى هاتفه عله يجد من ينجده و قبل أن يصل إليه فقد الوعي.
بعد مرور ثلاثة ساعات كاملة 
خرج الطبيب من غرفة العمليات وقفت حسنة أمامه بلهفة من بين دموعها 
خير يا داكتور  
خير إن شاء الله. متقلقوش الحمد لله اطمنا إن مافيش ڼزيف داخلي و لا أي إصابات خطېرة كل الحكاية شوية كدمات في أماكن متفرقة في الجسم و كسر في الرجل و الايد
ردت والدته من بين دموعه و قالت
اقدر اشوف ابني إمتى يا دكتور  
ساعتين بس و تقدروا تشوفوا و ياريت بلاش كلام كتير 
حاضر
أتت وجيدة برفقة خالد الذي و لأول مرة تر زوجة أبيه لهفته على أخيه بهذا الشكل وقفت أمامه و قالت من بين دموعها 
ابني بيروح مني يا خالد زين اخوك بيروح مني و السبب حسنة ابوس ايدك خليها تبعد عنه هي و عمر
رد خالد بإبتسامة مترددة و قال 
اهدي يا أم زين إن شاء الله خير كيفه هو دلوجه 
على الجهة الأخرى من نفس المكان كانت حسنة تشكو حالها لاختها و قالت
شايفة بتجول إيه الحيزبونة ديه  
اعذريها يا حسنة ولدها و جلبها و محروج عليه برضك
ردت حسنة و قالت بنبرة مغتاظة 
و هو مش چوزي إياك 
تابعت بعناد قائلة
طب بالعند فيها مش ها تطلج دلوجه و هاجعد على جلبها لحد ما ټموت بغيظها توريني بجى ها تعمل إيه !
ردت وجيدة بإبتسامة واسعة قائلة
الظاهر إن زين أمه داعية له في ليلة القدر و الظاهر قمان إن ربنا بيحبه جوي 
اتمألسي علي ياختي زين و الله لأعرفها إن الله حج تصبر علي بت الحسب و النسب ديه
بعد مرور ساعتين
استفاق زين من نومه و هو يشعر بالالم تعصف برأسه جسده كله مغطى بالضماض الأبيض و الكدمات أسفل عيناه و بعض الأماكن المتفرقة من الجسم نظر ل حسنة و قال بخفوت لكنها استطاعت تفسير ما قاله 
مش هاسيبه
مالت بجذعها و قالت بهدوء و هي ترتب له خصلات شعره الطويلة 
مين ديه ! 
عمر
سألته بدهشة قائلة
هو اللي عمل فيك كده
أجابها بإيماءة علامة الإيجاب نظرت له و قالت بعتذار 
معلش يا زين و الله لاخد لك حجك منيه صبرك بس عليا 
ششش أنا لسه ايدي ما اتقطعتش عشان واحدة ست تاخد لي حقي 
طب اهدأ دلوجه و بعدين نتحدوتوا فب الموضوع ديه الداكتور جال الحديت هايتعبك
ارخى جفنيه محاولا أن قسطا من الراحة ليتأهل لما هو قادم أما هي قررت أن تذهب إلى ذاك العمر لتوقفه عند حده كان في انتظارها ابتسم ما إن ولجت و الڠضب و الشړ يتطاير من عيناها وقف و قبل أن يتحدث قامت بصفعه صڤعة مدوية تحسس مكان صڤعتها و قال 
لدرچة ديه أني زعلتك كنت فاكر إن لما اخلصك منيه ها تفرحي عشان هنرچع لبعض تاني
ردت بإبتسامة حاولت فيها قدر المستطاع إستفزازه و في الحقيقة هي لم تفشل نهاىيا في استفزازه دائما 
أنا بقيت لزين خلاص بقيت مراتي شرعا و قانونا رضيت و لا عنك ما رضيت أنا شايلة اسمه كنت فاكرة إن حبك ليا هايخليك تبقى سعيد لسعادتي
هدر عمر و قال بصړاخ 
ادبتي في عجلك و لا ايه افرح إن راچل لمسك خد حاچة كانت حجي في يوم من الايام حاچة حرمت نفسي منيها في الحړام عشان تبجى حلالي و لما جرب الوجت بجت لغيري 
ردت حسنة بهدوء حد الاستفزاز 
انساني يا عمر انساني عشان مافيش بديل تاني أنا مش ليك و لو حتي زين طلجني أني مش ليك يا عمر في الاول كنت صعبان علي دلوجه أني دلوجه جرفانة منيك و نفسي اجتلك بس يا خسارة هادخل السچن في حاچة متستاهلش
سألها عمر بهدوء قائلا
خلاص خلصتي حديتك