سيدة قلبي سولييه نصار

امي واتخضت وقالت
مال ابوك يا احمد
بصتلها وقولت 
اغمي عليه لما عرف انني اتجوزت بسمة ...
أمي اټصدمت وبصتلي أنا وبسمة وبعدين اغمي عليها جمب ابويا 
ضحكت بسمة وقالت 
اهو بقوا يا معلم 
ممكن تخرسي وتيجي تساعديني
جات جري وبدأت تساعدني عشان اوديهم اوضتهم ....
يا بابا فوق ابوس ايديك 
قولتها وانا بهز فيه وبسمة بتهز في ماما ...
بصيت لبسمة وقولت
انا هتصل بالدكتور ...
ولسه هروح مسكت بسمة ايدي وقالت 
علي ايه يا اخويا المصاريف الكتير دي استني 
بعدين مسكت كوباية المية وكبتها عليهم وهي بتقول
قوم يا حج شوف ابنك 
قام ابويا وهو مصډوم وقال
عمل ايه تاني عمل ايه تاني 
ابتسمت بسمة وقالت
اتجوزني ...
قربت من بسمة وانا بقول 
اسكتي لاحسن يجراله حاجة واختفي دلوقتي لحد ما اكلمهم ...
اخفي اروح فين 
اي حتة يا بسمة ...عايز اتكلم مع أهلي شوية .
يا راجل ما احنا شركا في فطمني
بصيت لها پصدمة وقولت
شركا ايه اللي يخربيتك انتي ناوية توديني في روحي دلوقتي 
هزت راسها وقالت بصوت واطي
طيب هروح المطبخ 
روحي 
واد يا احمد 
بصيت لها پصدمة وقولت
ايه واد ده انا ولي نعمتك يا بت 
لا يا اخويا كان زمان أنا دلوقتي وارثة مليون جنية .المهم بقولك فيه اكل في المطبخ 
ايوة كنا عاملين ورق عنب امبارح روحي اطفحي.
حالا يا ابو حميد 
وراحت مشيت بسرعة ولسا هلف عشان ابص علي اهلي
لقيتهم في وشي ...
امي مسكت قلبها وقالت
انت صحيح اتجوزت الكائن ده يا احمد 
ايوة يا امي تحبي اوريكي ورقة الجواز ..
حطت ايديها علي قلبها فمسكها ابويا وقال
ارتاحي انتي يا حياة لحد ما اشوف الکاړثة دي ...
وبعدين شدني وقال 
تعالي يا آخر صبري 
وداني علي المكتب بتاعة واول ما قفل الباب بصلي وقال وهو مصډوم
ملقيتش الا بسمة عشان تتجوزها !
هويت كتفي وقولت
مالها بسمة يعني مش إنسانة ولا هي سمكة مثلا...وبعدين انت قولت اتجوز عشان تاخد الثروة محددتش اتجوز بسمة ولا كارمن دي غلطتك ....
ضحك ابويا وقال
انت فاكرني غبي يا واد انت ...فاكرني مش عارف ان الجواز ده مسرحية بينكم عشان الثروة وهطلقها بعدين ..بس لا يا احمد ..ده انا ابوك عيب حافظك وكنت متوقع حاجة زي كده عشان كده انا غيرت الاتفاق ..
اټصدمت وزعقت
انت مستحيل تعمل حاجة زي كده انت وعدتني ...
اسمع للاخر شرطي عشان اديك الفلوس 
اتفضل قول ...
بعد ساعة كنت في اوضتي أنا وبسمة عشان نجهز وننام شوية ...كنت قاعد بفكر في شرط بابا ...
وقفت قدامي بسمة وقالت بقلق 
ايه وافق يديك الفلوس !!
ابتسمت وهزيت راسي وقولت
ايوة بس شرط عليا شرط تعجيزي
ايه هو
اني اجيبله حفيد!!!
سيدة_قلبي
سولييه_نصار
34
الجزء التالتبقلم سولييه نصار
وانت هتجيبله حفيد من فين !
سألت بصتلها وقولت
ما شاء الله علي ذكاء اهلك يا بسمة شكله ورق العنب كبس علي خلايا التفكير عندك ...مفروض احنا الاتنين نجيبله حفيد 
نجيبله ازاي 
عوض عليا عوض الصابرين يارب
قولتها وانا بهز راسي بيأس ...
بعدين قومت ومسكتها وقعدت اهزها...
فوقي يا حبيبتي