روايه أحببته بعد زواجنا
-مش هاجى جمبك الا برضاكى ي ملك مصطفى مش بياخد حاجة من حد غ.صب عنه يلا نصلى
=حاضر ...للحظة بصيت لمصطفى وانا ببتسم ازاى مكنتش شايفة انو كويس كداا أما جالى فعلا مش لازم الإنسان يحكم على حد من اول ما يشوفه لازم يقرب منه ويشوف أفعاله وتصرفاته ويحكم بعد كداا بلاش نظلم حد ونسوء الظن بالناس محدش وحش على فكرة يمكن الدنيا اللى بتقسى الواحد بس اكيد الوحش مش هيفضل وحش ولا الكويس هيفضل كويس علطول لان القلوب بتتغير ومفيش حد بيفضل على حاله وقليل اوى اللى تلاقيه فاضل على حاله ومبيتغيرش صليت انا ومصطفى كان قاعد وبيسبح ربنا وانا ببصله شكله حلو اوى ركزت فى تفاصيله وازاى بيسبح على صوابعه بقيت اشوفه واقلده
=امممم
-فرحانة ي ملك معايا
=صراحة انا فرحانة
-وانا فرحان لفرحك ومسك ايدى وباس.ها وبصلى
=احم اسف لو دايقتك
-لا عادى براحتك
=انا هقوم انام
-بدرى كداا
=هعمل اى طيب
-يلا نلعب نشوف فيلم اى حاجة
=انتى حابة كداا
-اه يلا
احساس انك معاك حد حنين عليك ووجوده جمبك محسسك بالامان حلو اوى تقريباً كنت مركزة مع مصطفى ومش مع الفيلم وبشوف شكله وهو بينام على نفسه حلو اوى على فكرة كنت ببصله وعاوزة اضحك على منظره فجأة لقيته نام على كتفى وانا كنت فرحانة اوى قفلت التلفزيون ونمت انا كمان جمبه
عند ياسمين وحنين
-يلهوى كل ده حصل طب ومتصلتيش بيا ليه
= الفون وقع منى يا بنتى فجأة شلنى وانا كنت بصوت بس محدش سمعنى الحمد لله مصطفى وملك نجدونى منه بس الصراحة كنت حاسة انو بيتظاهر بوش العصبية والقوة دى لكن حاسة ان من جواه ضعيف ومشاكل
=تصدقى انك عيلة جذمة وغلطانة انى بحكيلك
-هههههه وانا عملت اى طيب
=بتتريقى عليا يلا انا ماشية علشان بابا بيرن عليا
-ماشى بكرا اشوفك فى الجامعة ي محللة النفس
ياسمين ضرب.تها بالمخدة وحنين قعدت تضحك
فى الصباح
صحيت من النوم يااه ده الواحد نام كتير اوى بصيت فى الساعة لقتها ٩ بصيت على مصطفى ملقتوش هيكون راح فين
-مصطفى انت روحت فين مصطفى انت فى الحمام ..فتحت الحمام ملقتوش
