رواية زواج بالغ.صب جميع الفصول كاملة بقلم الكاتبة منى سراج
حمدالله عالسلامه انتي وسلفتك ولدتوا
_ بسنت ولدت ازاي دي مجلهاش طلق
= ولدت قيصري معاكي فنفس الوقت …
سمي وخدي بنتك انتي جبتي بنت
= بنت ؟؟؟ بنت مين انا حامل في ولد
لا جبتي بنت قولي الحمد لله …
_ الحمد لله علي كل حال بس انا الدكتور مأكدلي انه ولد
مسكت البنت وانا مش حاسه نحيتها لا اي مشاعر من الامومه حتى دي مش شبهي ولا شبه جوزي
اخدت الولد في حضني كان بيعيط جامد واول ما مسكته سكت خالص قعدت ابص له لقيته جميل وشكله بريء روحنا على البيت واخدت بنتي رضعتها وشكرت ربنا على نعمته وفضله انا قعدت 20 سنه ما بخلفش واخيرا بقيت ام
وفيوم البيت كله صحي على صريخ حماتي كانت بتصحى حمايا ولقيته ما بيصحاش جوزي وسلفي جريوا جابوا دكتور لكن امر الله نفذ …
اتفاجأنا بعد العزا ان حمايا كتب كل حاجه فالبيت ب اسم سلفي زي ما قال لانه هو الي جاب الولد كانت صدم#مه كبيرة بالنسبالي وطلبت من جوزي اني اروح اعيش في مكان تاني حتي حماتي مبقتش معايا زي الاول من كتر ما سلفتي بتكرهها فيا …
وانا ماشية لقيت سليم ابن سلفتي بيعيط وينادي عليا يقولي …
_ متسبنيش وتمشي ياطنط انا عاوز العب مع حور وعاوزك تقعدي معانا
قلبي كان بيتقطع عليه وبعتبره زي حور بالظبط بس انا مليش قعاد معاهم تاني بعد الي حمايا عمله ده الله يرحمه بقي ويغفرله علي عملته …
اتنقلنا في شقه تاني وقعدت اسبوعين وسلفتي وحماتي مكلمونيش مكالمه واحده حتي لكن كان قلبي واكلني علي سليم لانه كان ولد طيب ومؤدب اوي خدت حور ورحت ابص عليهم لقيت حماتي تعبانه اوي وسلفتي قاعده وسيباها لوحدها ومعاملتها اتغيرت معاها بعد ما كل حاجه بقت ب اسم جوزها…
اول ما سليم عرف اننا جينا نزل يجري عليا انا وحور
_ وحشتوني اوي انا قاعد هنا لوحدي ممكن تسيبي حور تقعد معايا هنا
= منا قولتلك يا سليم هبقي اجيلك..
_ عارفه ياطنط انا لما اكبر هتجوز حور عشان انا بحبها..
ضحكت عليه انه طفل صغير وبيفكر فالكلام ده بس لقيت مامته بتضربه وتقوله الي بتقوله ده مستحيل يحصل…
_ ليه يابسنت اد كده بتكرهيني مش عاوزه ابنك يتجوز بنتي..عملتلك ايه يابسنت لكل الكره ده
= اسكتي انتي متعرفيش حاجه …
لقيت حماتي خرجت علي كلامنا ولسه كانت هتقول حاجه وقعت من طولها نقلناها عالمستشفي….
فضلت في غيبوبه اسبوعين وانا كل يوم بروح ابص عليها وبسيب حور مع بسنت …
وفيوم حماتي فاقت جريت عليها وانا كل همي اعرف هي كانت عاوزه تقول ايه قبل ما تقع…..
_ ارجوكي يا ماما قوليلي مخبيين ايه عليا كنتي عاوزه تصارحيني ب ايه…
= انا … انا يابنتي خلاص بمoت ولازم تعرفي السر الي مخبينه عليكي
_ حور مش بنتي صح
= يوم الولاده جبتي ولد و……
