رواية بائعة الم.تعة بقلم حنان حسن كاملة

وقلت...لية؟
قال...لان الناس الي
هتناسبوهم  كلهم عيلة زبالة
قلت...معقولة؟
دنا كنت فاكرة ان العقربة ملهاش مثيل في الوضاعة
يقوم يطلع اخواتها كمان زيها؟
فا رد عصام
بعدما سمعني وانا بنعتها بالعقربة
وقالي...
تصدقي ان اسم العقربة لايق عليها جدا
قلت...تمام
كمل معلوماتك
وفعلا ...
رجع عصام يكمل في سرد باقي  المعلومات
الي جابهالي
وقالي....
اسمعي بقي اهم المعلومات الي عرفتها عن نسايبك
قلت...قول 
قال...
اولا نسيبتك  العقربة 
لها ثلاث اخوات 
...
وكلهم ميتخيروش عنها
في الوضاعة ...والجشع... والنهب... والسلب

لكن بالرغم من كده 
العقربة
بتحب اخوها الصغير جدا
قلت..صغير ازاي ؟
طفل يعني؟
فا رد عصام
وقالي...لا
طفل اية؟
دا ياسر ده رجل اعمال
وفي اوائل الثلاثينيات من عمرة
قلت...
اسمة ياسر؟
واشمعني ياسر ده الي بتحبة يعني؟
قال...معرفش
يمكن متعاطفة معاه
عشان الاعاقة الي عندة
وكمل عصام في توضيحة
للصورة اكتر
وقال...
اصلي عرفت
ان ياسر اخوها ده ...
مصاب باعاقة كبيرة اوي
وممكن يكون هو ده السبب
في تعاطفها معاه
فا فكرت شوية
وبعدين سالتة تاني
وقلت..
وده حالتة الاجتماعية ايه بالظبط؟
يعني متجوز..ولا خاطب ولا مصاحب؟
فا رد عصام
وقالي... اخوها عازب
واضاف عصام
وقالي...
يظهر ان الاعاقة الي عنده مخلياه مضرب عن الجواز
فا اخدني الفضول اني اعرف نوع الاعاقة اية
لكن... عصام قالي انه ميعرفش ايه الاعاقة الي عنده بالظبط
في اللحظة دي
بصيت لعصام
ورجعت سالتة تاني
وقلت..
انت متاكد يا عصام
ان اخوها ده 
هو نقطة ضعفها دونا عن الجميع؟
فا رد عصام بثقة

 

وقالي...
الي عرفتة انها مش بتقدر ترفضلة طلب
لدرجة ..
انه لو طلب منها اي شيئ مهما كان مستحيل....؟
لازم تنفذلة طلبة
في اللحظة دي
حسيت اني وجدت ضالتي
واكتفيت بالمعلومة دي
وعلي الفور
اخدت من عصام عنوان المكتب بتاع ياسر

والمواعيد الي بيروح فيها المكتب
وبعدها..
تركت عصام يمشي
وقعدت مع نفسي
وقولت لنفسي...
ياااااه
اخيرا لقيتي للعقربة نقطة ضعف يا هناء؟
اخوها معاق
يعني صيد سهل بالنسبالي
يبقي الخطة هتمشي كالتالي
انا هتعرف علي ياسر اخوها المعاق ده
وهوقعة في غرامي
وحتي لو وصلت للجواز  هتجوزة مش مشكلة
وفي اللحظة الحاسمة
هفرك الخصلة البيضاء
واول ما اخوها هيتقلب قرد
هيبقي تحت امري
وهطلب منه ساعتها
انه يضغط علي اختة العقربة
ويجبرها انها ترجع لاخويا ميراثة
قبل ما اخويا يبلغ السبع سنين
اية ده؟؟؟
معقولة المشكلة اتحلت بالسهولة دي ؟
الحمد لله
وقررت اني هبدء في التنفيذ بمجرد ما ياسر يروح مكتبة
وفضلت اعد الدقايق والساعات
وانا  بنتظر ميعاد المكتب 
واول ما جه ميعاد وجودة 
في المكتب
لبست اجمل فستان مثير  عندي
وروحت علي المكتب
وطلبت اقابل
ياسر شقيق العقربة
ولما السكرتيرة سالتني
عن سبب الزيارة
قلتلها...
عايزاه في حاجة مهمة
تقدري تقولي
مسالة حياة او مoت
فا اتوترت السكرتيرة
وقامت بسرعة من علي مكتبها
وقالتلي...
لحظة واحدة هعرفة ان حضرتك عايزه تقابلية
وبعد ما السكرتيرة
دخلت لياسر 
وغابت عنده شوية
رجعت وقالتلي
ياسر بية في انتظارك
اتفضلي
فا مشيت خلف السكرتيرة 
الي تقدمتني عشان تدلني علي الطريق
ولقيتها دخلت  لمكتب شيك
اوي
وقالتلي..
اتفضلي ده مكتب ياسر بية
فا دخلت وفضولي  كان داخل قبل مني
وكنت هموت و اعرف
ايه نوع الاعاقة الي عنده بالظبط؟
واول ما عيني جت علي ياسر
اتسمرت في مكاني
لان ياسر طلع..........؟

بعدما اخدتني السكرتيرة ووصلتني لمكتب ياسر شقيق العقربة
اتفاجئت ادامي...
بشخص يجلس علي مكتبة ويرتدي نظارة سوداء
ونظراتة كانت مسلطة للامام 
يعني مركز نظرة في مكان واحد فقط
وحتي لما دخلت والقيت علية السلام
ملتفتش بنظرة ناحيتي
وفضل علي نفس الوضع طول منا واقفة ادامة
فا فهمت في اللحظة دي
ان الاعاقة الي عندة

( اعاقة بصرية)
وفضلت انعي حظي
واقول لنفسي...
يا بختك المنيل يا هناء
يعني الشخص الوحيد الي كان ممكن يساعدني
و يأثر علي العقربة 
لجل ما ترجع لاخويا ميراثة
يقوم يطلع الراجل كفيف ؟
ومش هيقدر يشوفني اصلا
يعني مش هقدر اثر علية
ولا حتي هيقدر يشوف خصلة الشعر اياها؟
وبالتالي مش هيتحول لقرد ولا هيطيع اوامري
وفضلت واقفة متسمرة في مكاني...
وانا مركزة عنيا علي ياسر 
الي بدء يسألني
ويقولي...
انتي مين...وعايزة اية
في اللحظة دي
كان لازم امشي بسرعة من امامة
لاني مكنتش عارفة هقولة ايه
وفعلا...
خرجت من مكتبة
بدون ما اقولة انا مين ولا كنت جاية لية
وبعد ما نزلت من عند ياسر
لقيتني ماشية في الشارع بسال نفسي
وبقول
طيب وبعدين؟
هعمل اية دلوقتي؟
دا كده مبقاش ادامي اي وسيلة
اجيب بيها ميراث اخويا
والوقت بيمر ...والمهلة قربت تنتهي؟
فا فضلت ماشية من الخنقة الي انا فيها
ولقيت رجليا رايحة علي المق1بر 
الي امي اختفت فيها