رواية الأخت الكبيرة بقلم نور محمود
سارة وهي تمسح دموعها : بس غلطك المرة دي كبير اووي
يارا : وانتي قلبك اكبر وهتنسي
سارة بمرح : تدفعي كام
يارا : اللي انت عايزاه
سارة : عشوة في ماك
يارا : موافقة كدا كدا بابا هو اللي هيدفع
خالد بجزع : وانا مالي هو انا زعلتها
يارا : ما انا مش معايا فلوس يرضيك نفضل متخاصمين لحد ما يبقى معايا
خالد : لا ما يرضينيش طب ايه رأيكوا نطلب دليفري
يارا : انا موافقة جدا
سارة : وانا كمان
تناول الطعام وسط جو يملأه الالفة والحنان
في اليوم التالي ذهبت سارة للعمل وادلت بشهادتها ثم عادت للمنزل بعد انتهاء الداوم
سامية: اهلا بالعروسة
سارة : عروسة ايه لسه شوية
سامية : واحلى عروسة كمان يلا روحي جهزي نفسك قبل الناس ما تيجي
سارة : ماشي
صعدت لغرفتها واخذت حمام دافئ وارتدت ملابسها المكونة من فستان رقيق واسع من اللون الزهري مع طرحة بيضاء وحذاء ابيض كانت تجهز نفسها امام المرأة فسمعت طرق على الباب
سارة : ادخل
سامية : بسم الله ما شاء الله زي القمر
سارة بتوتر : بجد يعني شكلي حلو
سامية : جداااا يلا الناس تحت
سارة : يلا
نزلت فوجدت والدها يجلس برفقة اشرف ومحمد والده و ثريا والدته
محمد : احنا جايين نطلب ايد الانسة سارة لاشرف ابني
خالد : اشرف ده زي ابني وشرف ليا انه يكون جوز بنتي ...وادي العروسة جت
سارة : السلام عليكم
الجميع :وعليكم السلام
ثريا : ما شاء الله عروستك زي القمر يا اشرف
سارة بخجل : شكرا يا طنط
جلست سارة بجانب والدها بينما جلست سامية بجانب ثريا
محمد : طبعا الاولاد زمايل في الشغل من زمان وعارفين بعض مش محتاجين فترة خطوبة
خالد : والله اللي هما عايزينه
اشرف : انا عن نفسي عايزها في بيتي النهاردة قبل بكرة
ضحك الجميع بينما تحول وجه سارة للون الاحمر من فرط خجلها
خالد : ايه رأيك يا سارة عايزة خطوبة ولا جواز على طول
سارة بخجل : اللي حضرتك تشوفه يا بابا
خالد : على خيرة الله تحبوا الفرح يكون امتى
محمد : على اخر الشهر ولا ايه رأيك يا اشرف
اشرف : يدوب نجهز الشقة ونخلص تجهيزات الفرح
خالد : واحنا نكون عزمنا قرايبنا واصحابنا والعروسة تكون جهزت حاجتها
محمد : يبقى بكرة ينزل العرسان يجيبوا الشبكة اللي تعجبهم
خالد : على خيرة الله نقرا الفاتحة
