يوميات المجن،ـونه والظابط

دي روايه هتبقا نفس اسامي الاشخاص بس كل حلقتين قصه مختلفه برضو هيبقا نبيل بطلها الظابط يارب تعجبكم 
شيماء رمضانيوميات المجنونه والظابط 2
زينه بت يامريم الظابط ده هيجنني يابت 
مريم انتي ناقصه ج،ـنان اصلا ماتعقليها يافريال 
فريال صديقه زينه ومريم المقربه انها فتاه جميله جدا جدا ذو قوام متوسط وطول متوسط بشره بيضاء عيون سود واسعه شعر اسود ناعم وطويل محجبه ومتدينه جدا ولا تفوت فرض من فروض الله 

فريال يازينه ياحبيبتي كده غلط مينفعش البنت الي تجري ورا الشاب وكمان لازم تغضي البصر لما تشوفيه 
زينه فوفا يااختي بلاش عقد بقا ده حاجه كده موززز موزز كده يخربيت جمال امه وشخصيته جد كده اي ده يالهوي ياناس بت يامريم هتساعديني ولالا عارفه فريال مش هتساعدني في حاجه 
مريم امري لله حاضر يامصيبه هتعملي اي المره دي 
زينه هتحبس ههههههه
مريم وفريال نعمممم 
في قسم الشرطه 

 

نبيل ياابني هتقول كل حاجه ولا رجب يتصرف 
، والله برئ يابيه ده مراتي دي مفتريه دي جننتني 
نبيل طيب براحه كده قتلتها ليه وانتو متجوزين بقالكم عشرين سنه 
، مهو ده بقا بعد الصبر خير 
نبيل خير ايه ياابني انت قتلتها انت طلعتها تعمل عمره 

، يابيه دي وليه نكد كل يوم الصبح تنكدعليا وانا اصبر واقول خير كل شويه هات فلوس اكل هات فلوس شرب عايزه هدوم ليا الخزين بتاع البيت خلص عايزين لحمه نفسنا في السمك كنت جاي في يوم هلكان ومش طايق نفسي لسه بغير هدومي لقتها بتقولي رمضان كريم ياابو احمد قولتها الله اكرم ياام احمد  قالت بقولك اي ياخويا مش هتجبلي فانوس زي ام حسين جارتنا قولت لها طب دي وليه هبله نعمل زيها انتي عاقله قالت طب عايزه ياميش رمضان وعايزه فراخ لرمضان ولحمه مفرومه وجلاش  وهدوم العيد للعيال الد,م جري في عروقي ومحستش بنفسي غير وانا مطير رقبتها فكراني فانوس علاء الدين طب تطلب براحه تمهدلي مش كده 
نبيل يالهوي علي الجواز والي بيتجوزوه ياعسكري 
امرك يافندم 
نبيل خده على الحبس وبكرا يترحل على النيابه 
تمام يافندم