عتمان باع أرضه _ كاملة _ بقلم هويدا زغلول
#فلاش باك
نفسيه
بنت يا بدريه بقى لك ساعه في المطبخ يا بت والاكل لسه ما خلصش ايه ده هو انتي بتعيطي مالك في ايه
بدريه
ما فيش حاجه يا مدام نفيسه مخنوقه شويه هبقى كويسه دقيقه واحده والاكل هيكون عندك
نفسيه
سيبك من الاكل وردي عليا فيكي ايه يا بنت اوعي يكون جوزك ضربك
بدريه
لا والله ما مدش ايده عليا بس ابني تعبان قوي ومحتاجه عمليه كبيره وانا مش معايا فلوسها
نفسيه
وهو ده اللي يخليكي تعيطي يا عبيطه العمليه دي المفروض تتعمل امتى
بدريه
الاسبوع الجاي مش عارفه اتصرف ازاي
نفسيه
خلصي الاكل بس واطلعيلي فوق وانا هديكي الفلوس اللي انتي عايزاها وربنا يشفي لك ابنك وانت في اجازه لحد ما تقوليلي ان ابنك قام بالسلامه
بدريه
انت اكيد بتهزري معقول هتدفعي فلوس العمليه كلها لوحدك
نفسيه
ايوه يا بت طبعا هو انا عندي اعز منك ربنا يعلم انا بعزك ازاي هديك الفلوس وربنا يشفيلك ابنك بس والنبي ادعيلي ربنا يكرمني وخلف وابقى امي زيك بقى
بدريه
احب عليا تيجي ست نفيسه مش عارفه اشكرك ازاي ربنا يخليكي ليا وباذن الله ربنا هيعوضك وهتكوني حامل،. فعلا دفعت فلوس العمليه
#رجوع
روحيه
بقى انتي عملتي كل ده علشان خاطر ابنك انتي ما تعرفيش انا هعمل فيكي ايه ولا انا اعمل فيكي انتي ليه ده انا هعمل في ابنك قدام عينيكي
بدريه
اللي هيفكر يقرب من ابني الا اروح النقطه واقول على كل حاجه انتوا عملتوها انتو الاثنين
نجلاء
روحي يا حبيبتي النقطه وريني هتقدري تتصرفي ازاي وساعتها انا اللي هبلغ عنك واقول انك انتي اللي كنت بتحطي لها البرشام،. في الوقت ده دخلت فاطمه
فاطمه
لا والله مش محتاجين انتوا الثلاثه تعملوا حاجه انا اللي هبلغ البوليس عليكم انتم
روحيه
ايه ده فاطمه هو انتي واقفه هنا من امتى على فكره انتي فاهمه الموضوع غلط
فاطمه
غلط برده بقى انتوا كنتوا عاملين كده في اختي
وبعدها جت من وراها نجلاء وضربتها علي رأسها
وقعت علي الارض، وفي المستشفي
كان واقف سيد مع محمد
سيد
معقول انت يا اخويا تفكر تاذي اخوك كده انا عارف كل حاجه مش راضي اتكلم
محمد
ايه ده هو انت بتقولي انت جبت الكلام ده منين
أنا معملتش حاجه
سيد
انا جبت الواد اللي ضرب عتمان وحبسه وهبلغ عنه بس هي كانت الصدم#مه لما قالي ان انت ومراتك متفقين معاه على كده
محمد
والله انا ما عملت حاجه ما اعرفش ان هي كانت ناويه تعمل فيه كده انا اه طمعت في فلوس الارض بس لا يمكن كنت اعمل ف اخويا كده
