سكريبت " هاجر وزين " بقلم هاجر حسن

هي أدخلي صلي في الأوضة وخدي راحتك في الكلام مع ربنا وأنا هجيلك كمان عشر دقايق، دخلت الأوضة وفرشت المصلية وبدأت الصلاة
يارب أنت عالم بحالي 
يارب أنا خايفة 
يارب أنا مش خايفة أنا مر .عوبة
يارب أنا مش عارفة أنا مين أنا حاسة أني تايهة
يارب ساعدني
يارب أنا عارفة أن ده أكيد خير ليا بس أنا تعبانة
مع كل دعوة كانت دموعي بتنزل خلصت صلاة ورجعت عيدتها من تاني لأن العياط -اللي مش خشوع- بيفسد الصلاة
_خلصتي يا حبيبي
_آه أتفضلي يا طنط
_تعالي بقى نامي على حجري وأقلعي طرحة الأسدال دي؛ كدا كدا زين هيجي بكرة
_أنام على حجرك!

_ايوا يا بنت يلا متخفيش مش هأكلك أنا
_بس..
ومدتنيش فرصة أتكلم وكانت بتشد.يد من أيدي ونايمتني على حجرها، كنت أقدر أقوامها عادي بس سبت نفسي ليها 
_أول حاجة هعملها أني هرقيكِ صدقيني هتبقي بعدها حاجة تانية خالص 
بدأت تريقيني وفعلًا بدأت احس بالراحة بدأت احس أن في حجر بيتشال من عل

ى قلبي مع كل كلمة بتقولها بدأت احس أني شبه متطمنة، لا أنا فعلًا متطمنة
_أرتاح تي؟
هزيت راسي ليها بآه:
_دلوقتي هعمل ليكِ الحركة المفضلة عند زين مكنش بينام غير بيها لو هو تعبان تقريبًا مفيش حد أتعملت ليه الحركة دي ومانمش 

_حركة إيه؟
_هدلك راسك بزيت اللافندر 
بدأت تدليك رأسي بزيت اللافندر ومن بعدها وأنا محستش بحاجة 
_يلا يا حبيبتي قومي الساعة داخلة على ٤ يدوب تلحقي الظهر
اتكلمت وأنا بتاوب:
_هو أنا نمت كل ده؟!
حركت راسها بمعنى آه: 
ايوا ومردتش أصحيكِ قولت أسيبك تنامي براحتك يلا ادخلي بقى الحمام وأتوضي وصلي 
قومت دخلت الحمام وأتوضيت وصليت وأفتكرت الحلم
_ أنا بقى عملالك شوية...
_أنا اسمي هاجر
_إيه؟
_أنا أسمي هاجر 
_أنتِ أفتكرتي حاجة ؟
_لأ أنا حلمت ب..، لا لا مش عارفة هو مين وكان بيناديني بهاجر ولما قومت أفتكرت أن ده اسمي بحاول أفتكر باقي الحلم بس مش عارفة انا هدخل ادور في الشنطة تاني 
كنت بتكلم بسرعة وتوتر ولغبطة مش عارفة ليه: