ابن صاحب الشركة بقلم اية محمد
بتفكر في موضوع جوازها من قاسم.. عمتها أتصلت بيها فيديو.. فرح استغربت و ردت...
عايدة بسعادة فرح في حد عاوز يكلمك...
عايدة ديرت الكاميرا ناحية والد فرح اللي بصلها و أبتسم بصعوبه و هو بيحاول يتكلم و بالفعل قال أسمها...
جلال ف.. فر.. فرح...
فرح ملامحها اتغيرت و عنيها اتملت بالدموع و هي بتبص لوالدها و هو بينطق اسمها بعد كل السنين دي و باين علي ملامحه السعادة و رغبه في الشفاء...
عايدة أخدت التليفون و خرجت من عند والد فرح و كلمتها و هي بعيد عنه...
عايدة الدكتور لسه ماشي و قالي أن العامل النفسي هيساعده كتير أنه يتحسن.. ابوكي مبقاش زي الأول.. روحه بترد فيه من تاني.. و بصراحه بقي دا عشان قولتله علي العريس..
فرح تفتكري!
عايدة أكيد ي فرح ي حبيبتي هو أبوكي عاوز اي غير سعادتك ي بنتي هو أتبقاله مين غيرك! عاوز يفرح بيكي..
فرح كانت علي يقين من زمان أنه والدها هيتحسن بسعادتها هي و تعوضيها عن اللي حصل...
خرجت من شرودها علي خروج علي عبد الرحمن و هو خارج من مكتب قاسم و قاسم خرج معاه يوصله لحد الأسانسير...
رجع بعد دقايق و كانت مستنياه تعرف التفاصيل...
قاسم بإذن الله كلها شهور و مشاكل الشركة هتتحل...
قاسم بمزح و تسيبيني!
فرح احم.. مش حضرتك قولت لما المشاكل تتحل أقدر ارجع لمنصبي تاني!
قاسم أيوا قولت بس مشاكل الشركه لسه متحلتش احنا لسه عندنا شغل كتير... المهم تعالي نروح نتغدي و نيجي نتكلم في ترتيبات الشغل عشان الصفقه الجديده..
فرح لا مهو.. انا هتغدي مع صحابي..
فرح احم.. احتمال الصراحه و أنا هاكل معاهم..
قاسم ب سخرية ااه فول بالزيت الحار..
فرح بضحك بالظبط..
قاسم احم.. بس يعني الحمد لله المبدأ موجود...
فرح لا لا أنا مقولتش حاجه...
قاسم بضحك م أنتي مقولتيش فعلا...
قاسم ممكن..
فرح عاوزة اجازة بقيت اليوم و ممكن تخصم نص يوم من مرتبي...
قاسم مفيش خصم ولا حاجه بس ليه!
فرح بسعادة بابا النهاردة قال اسمي.. بقاله تلات سنين مقالهوش و الدكتور قال في تحسن كبير...
قاسم بسعادة حقيقية بجد.. الحمد لله.. ربنا يتم شفاه علي خير ي فرح...
فرح أمين ي رب...
قاسم دا كويس انك فكرتيني.. الدكتور اللي أنا قولتلك عليه هينزل مصر و أنا بالفعل حجزت لوالدك عنده..
قاسم اتفضلي!
فرح هو.. هو حضرتك مهتم بعلاج بابا عشان.. عشان..
قاسم عشان توافقي تتجوزيني
فرح ب حرج اه..
قاسم أنا مهتم بموضوع علاج والدك من ساعه م جيت عندكم و وقتها فكرة الجواز مكنتش في دماغي لسه أنا كل اللي جه في دماغي اني هقدر اساعدك ف ليه لا!
فرح و أنا والله مش عارفه أشكرك ازاي بجد.. طب.. سؤال كمان..
قاسم اسألي!
فرح حضرتك ليه أتقدمتلي!
قاسم أممم و تفتكري الواحد بيروح يتقدم لواحده ليه!! بكرا هبقي أقول كل حاجة و جهزي كل الأسئلة اللي أنتي عاوزاها..
هالة أحم أحم.. فرح! هنروح نتغدي ولا اي!
داليا ب مزح شكلها مشغولة..
قاسم ب ضحك لا فرح واخده باقي اليوم أجازة.. أنما أنتوا تتغدوا و ترجعوا و لو أتأخرتوا هيتخصم منكم...
علا ليه بس كدا ي مستر..
قاسم تفرقه.. تفرقه عنصرية.. و أبقي اشوف واحده فيكم جايبه اكل طالما قررتوا تتغدوا برا الشركه يبقي مشوفش اكل باقي اليوم..
قاسم كان عارف ان أكيد فرح قالتلهم عنه و أنهم مش هياخدوا كلامه علي محمل الجد..
قاسم أخد مفاتيح عربيته و خرج من الشركة لمكان كان نفسه يزوره من زمان بس الاول راح للبيت ولقي فارس لوحده ف أخده معاه...
عند قبر والدتهم قعدوا الأتنين جمب بعض.. فارس اشتري ورد و حطه علي قپرها...
قاسم أنا قولت أنك بقالك كتير مزورتش ماما..
فارس ابتسم بحزن و هو بيبص علي قبر والدته و هو بيتمني
أنه يشوفها للحظة و يحضنها تخفف عنه الحمل اللي شايله..
فلاش باك...
فارس كان داخل الشركة و هو متأخر علي إجتماع مهم و فجأه خبط في بنت ووقعت علي الأرض..
فارس أنتي كويسه!
غرام اه ي عضمك ي غرام.. ي ربي هو أنا ناقصه..
فارس احم أنا أسف ي انسة..
غرام لا أسفك معاك.. متسربع علي اي مش فاهمه يعني..
فارس ربع إيده و بصلها ب إهتمام و إستغراب وبعدين سألها بفضول..
فارس أنتي أخت فرح!
غرام و هي بتبص بعيد عنه و بتتكلم بهمس كان تقريبا سامعه..
غرام ضربه في عنيك بتبصلي كدا ليه أنت كمان..
فارس أكيد يعني مش معجب بيكي!
غرام عمتا انا كنت جايبه السندوتشات دي لفرح خدهم بقي في أيدك و أنت طالع بما أنك
