حماتي ليله

مايجيب وخلاص هو فقير ولا ينزل ياكل عند امه تحت
هبه 
منا مش عايزاها تمسك عليا حاجة وتتكلم كلمة متعجبنيش ساعتها مش هسكتلها
كوثر 
خلاص يابت بقا هو مش نزل ياكل عند امه خلصنا بقا
رامي 
هاتيلي ياامي اي حاجة أكلها من عندك
الام 
ليه هي الهانم معملتش اكل ولا ايه
رامي 
مبتعرفش تطبخ وامها كل يوم اللي بتبعت الاكل والنهارده لأمها بعتت ولا هي عملت حاجة
الام 
ياضنايا يابني وايه اللي مسكتك عليها لما هي مبتعرفش تطبخ ماتخليها تنزل وانا اعلمها كل حاجة
رامي 
انا مش برضى اقولك يا أمي عشان محرجهاش واقول يمكن تتعلم لوحدها لكن الظاهر مفيش فايدة ومش عايزة تتعلم

ليلى 
انا تعبت ممكن انام بقا انا طول النهار واقفة على رجلي
الحما 
مش لما جوزك ينام تبقى تنامي انتي هنا عشان تشتغلي خدامة ليه افرضي نمتي وهو عايز ياكل ولا يشرب مين اللي هياكلة
سيد 
ماتسبيها تطلع تنام يا ام سمير ولو سمير احتاج لحاجة تبقا تصحي
الحما 
اسكت انت ياخويا ملكش دعوة بحاجة ومتدخلش بين الحريم انا داخله المطبخ
سيد 
معلش يا ليلي يابنتي دي ام سمير قلبها ابيض بس بتحب سمير زيادة ويتخاف عليه
ليلى 
انا عارفه والله ياعمي انه وبعدين ماهو ابنها ومن حقها تخاف عليه
سيد 
انتي طيبة يا ليلي وربنا هيكرمك يابنتي اخر كرم
تاني يوم الصبح عند هبه حماتها طلعت عندها وقالت
هو انتي ياست مبتعرفيش تطبخي وبتجيبي الاكل من عند امك طيب ماتيجي تحت عندي وانا اعلمك
هبه
وانا مش عايزة اتعلم واذا كان على رامي هو عجبة كده وعلى قلبة زي العسل وياريت تطلعي انتي منها ياحماتي ومتتدخليش
الحما
ازاى يعنى مدخلش هو ده مش ابني ولا ايه يابت انتي لا ياماما اوعي تكوني فاكرة انك هتقدرى تاخدي ابني تحت جناحك وتخليه يقسى عليا لااا ده كان غيرك اشطر ولا انتي نسيتي انا عملت ايه في قربيتك ولا تكوني عايزة تحصليها
هبه 
هههههههههه انتي بتحلمي ياحماتي طيب ليلى كانت هبلة وبتستحملك عشان غلبانة ومکسورة الجناح انما انا مش هديكي الفرصة انك تطفشيني زيها
الحما 
انتي بتتحديني يابت انتي طيب لما جوزك يرجع يشوف له صرفة معاكي
ورجع رامي وهبه عملت نفسها بټعيط
رامي
في ايه ياهبه مالك بټعيطي ليه
هبه
يعني هو انت لازم يا رامي تقول لمامتك اني مبعرفش اطبخ
رامي
ليه ايه اللي حصل
هبه
طلعت عندي بعد انت مانزلت وبهدلتني وشتمنتي بأهلي يرضيك كده يا رامي
رامي
معقولة امي عملت كده طيب ليه وهي مالها اصلا
هبه
عشان هي بتتدخل في كل حاجة وقالتلي زي ما خليتة يطلقك زي ما طلق قربيتك ما بقاش انا
رامي
طيب متزعليش وانا هتكلم معاها بقولك ايه ياهبه كان في فلوس في الدولاب انتي وديتها فين
هبه
ااه صحيح انا جبت بيها الخاتمين دول شوف مش حلوين برضو
رامي
خاتمين ايه وانتي قولتي لمين انك هتجيبي خاتمين ولا
تلاتة
هبه بدلع 
ايه يا رامي يعني خسارة فيا الدهب ده اخس عليك
رامي
دي فلوس الشغل ياهبه طيب كنتي قولتي انك عايزة وانا كنت هجبلك
هبه
خلاص بقا ياحبيبي وبعدين انت نسيت ان مامتك زعلتني ولا ايه
رامي
امي متقصدش تزعلك اكيد يعنى
هبه
وانا مش هزعل منها عشان خاطرك انت بس
عمتي بتكلم حماتي في التليفون
كوثر
الووو ايوه يا ام سمير ايه الاخبار
الحما
اطمني يا ام رامي ده انا مخلياها تكره اليوم اللي اتولدت فيه
كوثر
ايوه كده خليها تعرف ان الله حق وانا هبعتلك الفلوس اللي اتفقنا عليها يلا سلام
سيد
هي الولية اللي اسمها كوثر دي عايزه ايه متسمعيش كلام وتفضلي ټأذي في البت الغلبانة دي دي لحد دلوقتي عايشه ومستحملة عشان محترمة وبنت حلال
الحما
هو انت كل شويه تتدخل وتدافع عنها بقولك ايه انا عارفه انا بعمل ايه
رامي 
انتي صحيح يا أمي