امامي ومنقذي بقلم ايه محمد

الجواري...
حبيبة جاريه في عينك يا قليل الأدب..
حمزة لا متخلنش أقل أدبي وساعتها هتحبيني علفكرا..
حبيبة بقولك إيه أخرك هاته و لو شعره مني أتهزت يبقي.... هقص شعري..
حمزة بتحدي يبقي لحد رقبتك..
حبيبة بعند متحددش لأن مش هيحصل..
حمزة هيحصل ركزي بس في الأكل اللي هيتحرق دا...
حبيبة طب أوعي..
حمزة حاضر يلا بسرعه متتأخريش..
حمزة سابها وخرج من المطبخ رجع لأوضته وهو بيفكر في خطته اللي خطرت علي باله.. 
بعد ربع ساعه حبيبة كانت مشغوله في تجهيز الأكل عملت كوباية عصير لنورا ولسه خارجه من المطبخ خبطت فيه والعصير وقع عليهم...
حبيبة پغضب لا إله الا الله أنت بتطلع منين يا أبني!!
حمزة عصير إيه اللي وقع دا!
حبيبة پغضب يا برودك أبعد عن المطبخ وعني خالص..
حمزة هو أنا قربت منك! ولا هو تلكيك وخلاص..
دخلت حبيبة المطبخ وصبت كوباية عصير تانيه وخرجت بيها لأوضة نورا وحمزة وراها بيضايقها..
حمزة طب وأنا مليش
حبيبة لما تحمل هبقي أعملك حاضر..
حمزة بضحك مش أنا اللي هحمل يا عسل أومال أنتي فين
حبيبة أنزل بطموحاتك لتخبط في السقف يا حبيبي..
حمزة معاكي حق كدا كدا أنتي مش ذوقي..
حبيبة أنت يبقي ليك ذوق ليه! شاروخان! هاري بوتر
حمزة حمزة إبراهيم..
نورا بنوم هتفضلوا تتخانقوا كدا كتير إطلعوا برا عاوزة أنام..
حبيبة قومي إشربي العصير دا قبل ما يلبس في وش أخوكي..
حمزة تقدري..
حبيبة أيوا أقدر بس مرة تانيه عشان دي أخر كوباية وعندنا واحده نهتم بيها هنا..
حمزة هصدقك حاضر يلا يا نو....
وقف عن الكلام لما لقي نفسه أتغرق بالعصير وأتبهدل بيه نورا بصتلها پصدمه و حمزة كان ساكت و بيضغط علي أسنانه بقوة سحبها من إيديها ودخل بيها أوضته...
حمزة أنتي عارفه عواقب اللي عملتيه دا إيه!!
حبيبة ميهمنيش المهم أني أثبتت أني أقدر..
حبيبة ورب الكعبه لو قربت مني لأضربك بالكوباية دي في راسك..
حمزة ما قولتلك أنتي مش ذوقي الهدوم دي تتغسل حالا و الارض تنضف وإلا..
حبيبة بتحدي وإلا إيه!
حمزة وإلا أقسم بالله ما يفضل كتب كتاب بس ويبقي فرح.. وأنا أقسمت بالله وقتها هعتبرك ذوقي...
حبيبة بصتله بضيق وأخدت الهدوم وخرجت من الأوضه شغلت الغساله وحطت فيها المسحوق والقميص خرج حمزة بعد شوية وحط باقي هدومه في الغساله وهي بصاله پغضب.. 
أخذ الخلاط و بدأ يعمل عصير تاني وصب كوباية لنورا وسابلها كوباية جمبها..
حمزة حلو للأعصاب هتهدي..
حبيبة پغضب غور من وشي بقي..
حمزة بضحك هروح أقعد جمب أختي..
بعد ربع ساعه كان الأكل جهز و هدوم حمزة أتغسلت إبراهيم رجع ومعاه نورهان وبعدهم وصل علي...
حمزة خدي إلبسي الإسدال دا عشان علي جه برا..
حبيبة طيب خد بقي الغسيل دا أنشره..
حمزة يعني انتي مستنيه الراجل يبقي هنا وتطلعيني انشر هدوم لا طبعا..
حبيبة أومال أنا هعمل كل حاجه لوحدي..
حمزة أصبري أما يمشي وهنشره..
حبيبة طيب تعالا حول الأكل علي السفره..
حمزة طيب طيب..
خرج حمزة ورجع هو ونورهان وبدأوا ياخدوا الأكل وهي تغرفه أتغدوا سوا وقضوا وقت جميل و نورهان أتطمنت علي أختها ومشيت هي
وجوزها..
حمزة فضل قاعد هو وإبراهيم سوا وحبيبة قاعده مع نورا في اوضتها لحد ما جالهم ضيف غير مرغوب فيه..
بدرية بنتي فين يا إبراهيم بنتي فين!
إبراهيم مينفعش الكلام من علي الباب أتفضلي أدخلي..
بدرية مش هدخل أنا هاخد البت وهمشي..
إبراهيم بس دي خلاص بقت مرات إبني..
بدرية جواز إيه دا اللي من غير موافقتنا يا إبراهيم أنت اټجننت..
حمزة أنتي مين يا ست انتي!
حبيبة بذهول خالتو انتي عرفتي مكاني منين!
بدرية لمي حاجتك يلا يا حبيبة هنمشي من هنا
حمزة تمشي من هنا فين مراتي مش هتخرج من بيتها..
بدرية أنا هوديكم في داهيه انتوا ضحكتوا علي البت..
إبراهيم مضحكناش علي حد حبيبة كانت موافقه وعمها كان حاضر كتب الكتاب..
حبيبة پصدمه عمي!!
إبراهيم أيوا اللي كان موجود كان عمك..
بدرية عمها اللي عمره ما سأل عنها لا هو عارف عايشه ولا مېته..
حمزة حبيبة مش هتخرج من هنا..
بدرية هتيجي معايا صح ولا أنت عاوزة إيه!!
حبيبة بتردد أنا أنا...
ويتبع..
آية_محمد 
إمامي_و_منقذي. 5
بدرية هتيجي معايا صح ولا أنت عاوزة إيه!!
حبيبة بتردد أنا أنا... اللي عمي إبراهيم وحمزة يشوفوه..
إبراهيم يا تقعدي ضيفه وتاخدي ضيافتك وتمشي يا مع السلامه يا بدريه..
بدرية بقي كدا يا حبيبة! دا أنا خالتك!
حبيبة وأنتي كنتي فين لما بابا تعب وأنا كنت لوحدي..
بدرية مكنتش أعرف تعالي معايا أنا عارفه أنك زعلانه بس أما تفهمي مش هتزعلي..
حبيبة لا خلاص فات الأوان علي الكلام دا..
بدرية لا مفاتش أنتي هتقعدي عندي و هجوزك حسام إبني..
حمزة پغضب أنتي أتجننتي!
حبيبة پغضب كفاية بقي هو أنا بقيت لعبه كل شوية عاوزني أتجوز أي حد أنتوا بتلعبوا بمستقبلي!! 
إمشي من هنا لو سمحتي ومتجيش تاني أنا مش خارجه من هنا حمزة جوزي ودا بيتي خلاص سيبيني أعيش بقي..
بدرية ماشي يا حبيبة بس خدي بالك كلامنا مخلصش..
حبيبة لا هو خلص لأن أنا معنديش كلام غير دا..
خرجت بدرية پغضب من بيت حمزة و دخلت حبيبة أوضتها قبل أي أسئله لأنها مش هتستحمل أكتر من اللي حصل قعد حمزة علي الكنبه قدام أبوه وسأله..
حمزة هي الست دي عادي كدا جاية تقولها هجوزك وأنا واقف!!
إبراهيم هما كدا يا أبني..
حمزة هما مين!
إبراهيم بدرية و نادية أختها أم حبيبة... من 30 سنه كان حسن بيدرس معايا في جامعة القاهره أول سنه في كلية التربية متعرفتش غير عليه وبقينا صحاب كان هو من محافظة تانيه وبلد ارياف قابل نادية كانت بتشتغل في مكتبه قدام الجامعه و اتعرف عليها وحبها بس لحد الجواز الموضوع وقف نادية كانت مختلفه هي وأهلها عن حسن وأهله عيلته كانت محافظة و نادية كانت واخده حرية زايده خلتها يعني يعني تهزر مع دا وتضحك مع دا وتخرج مع حسن لحد وقت متأخر عادي أهل حسن موافقوش عليها وكان رافضين بشده وحسن مصمم ومعاند فأتجوزها واستقر هنا أهله كانوا بيكلموه كل كام سنه مره و عشان كدا أتقطت العلاقات.. 
إما نادية أصلا مكانش ليها غير أبوها اللي ماټ بعد كام سنه من جوازها وأختها اللي أنت شوفتها دي.. 
وحبيبة طالعه لأمها وخالتها..
حمزة يعني مستحيل تتغير..
إبراهيم مش عارف هي قلبها أبيض وطيبه والله يا أبني اللي أقدر أقوله إن زي ما حبيبة أخدت من نادية ف خدت من طبع حسن وحسن كويس..
حمزة وعمها!!
إبراهيم أنا روحت لعمها وكلمته كان عاوز ياخدها عنده بس أنا قولتله أن حسن موصيني أنا عليها وأنا عاوز اجوزها أبني علي سنة الله ورسوله إيه الغلط!! قولتله لو هي كدا كدا هتفضل عندك لحد ما تجوزها فأنا جاي أهوه بطلب إيدها لأبني... 
هما كانوا عارفيني ودايما يوصوني علي حسن وأنا فهمتهم طبع حبيبة وأن دا الأحسن ليها ف وافق ما أنا كان لازم أكلمه بردو..
حمزة صح يا بابا معاك حق طب ليه حبيبة من الأول لما أنت قولتلها تخرج وتشوف حد من صحابها مراحتش لخالتها!
إبراهيم حسن كان قايلي أنها پتخاف من حسام إبنها بيقولي كانت بتقول أنه بيضايقها كان بيقولي الواد دا شكله كان وهي پتخاف منه عشان كدا كان مانعه يجي بيته حتي خطيبها بعد كتب الكتاب لما كان بيحاول حتي يمسك إيديها كانت پتخاف منه وأكيد لو أنت حاولت كدا هتخاف..
حمزة بإستغراب لا مخافتش..
إبراهيم وأنت حاولت!
حمزة بحرج إحم لا مش بالظبط يعني بس مسكت إيديها ومخافتش..
إبراهيم طيب دا شئ كويس معناها أنها ممكن تكون بتثق فيك...
حمزة لا لا ثقة إيه يا بابا معتقدش.. اعتقد عشان كدا لما قولتلها هنخليها فرح أخدت الهدوم من غير مناقشه...
إبراهيم هدوم إيه!
حمزة حوار كدا خلاص يا بابا أنا فهمت وهعرف اتعامل معاها.. المهم قولي عمي حسن عامل إيه!
إبراهيم زي ما هو يا أبني والله.. الدكتور بيقول مفيش جديد..
بعد ساعه حبيبة كانت قاعده في أوضتها متضايقه من خالتها كان نفسها تكون هي اول حد يجري عليها و يساعدها مش صاحب ابوها..
دق الباب ودخل حمزة مسكت تليفونها وعملت نفسها مش شايفاه...
حمزة أنا نشرت الهدوم..
حبيبة كويس..
حمزة ليه مختارتيش تروحي مع خالتك!!
حبيبة هروح ليه هو أنا قاعده في الشارع! أنا قاعده في بيت جوزي..
حمزة من قبل الجواز ليه مروحتيش وفضلتي هنا..
حبيبة بضيق أنت عاوزني أمشي يعني ليه بتسأل!
حمزة لا مش عاوزك تمشي بس عاوز أعرف ليه أنتي مش عاوزة..
حبيبة كدا مبحبش جوزها ولا عيالها..
حمزة بس هما أهلك..
حبيبة پغضب أنت عاوز إيه يا حمزة بالظبط..
حمزة عاوز سبب مقنع يخليكي تقبلي تفضلي هنا برغم أنك مكنتيش طايقانا..
حبيبة بضيق لا مفيش سبب عادي انا ارتحت لنورا فقولت افضل هنا..
حمزة لا بردو مش دا السبب..
حبيبة پغضب عشان مكنتش عاوزة أروح تاني لإبنها أنا بكرهه وبكره نظراته المقرفه ليا أنا بكرهه.. عرفت ليه وإرتاحت سيبني بقي لوحدي لو سمحت..
حمزة بس! نظراته بس..
حبيبة بتعب اللي أنت فاهمه صح يا حمزة ممكن بلاش توجعني بالسؤال اه كان بيحاول يقربلي زمان وعشان كدا مبقيتش اروح هنا وبابا مكانش بيسمح ليه يجي عندنا أنا قولت لبابا بس اني مبحبش بصته ليا مقولتلوش حاجه تانيه.. 
أنا بكرههمن وأنا عيلة صغيره ومسلمتش منه هو أنت فاكر انه كان هيتجوزني! 
دا كان هيستغل أن مبقاش ليا حد خلاص بابا اللي هو كان خاېف منه في عالم تاني عشان كدا مروحتش ولا فكرت اروح لهم...
حمزة دا خلاكي تخافي من أي واحد صح طب باسم ومعتز...
حبيبة باسم كان معجب بواحده زميلتنا وهي اللي عرفتنا عليه وبعدها عرفنا معتز الموضوع بدأ بمشاركة محاضرة أو ملزمه وبعدها الموضوع كان تدريجي إننا نبقي صحاب مجرد صحاب صحيح انا في الفترة الأخيرة كنت بحس أن معتز بيبصلي بطريقه مختلفه بس مشكتش يعني في حاجه انا كنت فكراه معجب بيا وبس لكن محطتش في دماغي لأني كنت بالفعل أتخطبت.. 
بعد خطوبتي بشهر والد صاحبتي دي أتوفي وبعدها هي من زعلها عليه أنتحرت فكرت ان الرابط اللي بينا احنا البنات و باسم ومعتز هتخلص بس لا بالعكس الموضوع زاد لحد مبقيناش نتفارق حتي بعد التخرج حتي
بعد ما كتبت كتابي وإصرار أحمد أني اقطع علاقتي بيهم مكنتش عارفه لأنهم كانوا جزء من يومي.. 
قبل التخرج كنا دايما بنتقابل في الكليه بس بعد كدا بقينا نتقابل في Night club بس مكناش زي الناس اللي هناك إحنا كنا بس بنروح في مكان في ضحك ودوشه و خلاص... 
كل دا وهما صحابي بس مكنتش بخاف لا المره الوحيده اللي خۏفت فيها لما معتز كڈب
عليا في خصوص تعبه بس هو قالي أنه معجب بيا
وبس يمكن اللي بيخوفني
إني أكون في بيت واحد مع حد غريب...
حمزة بهدوء وليه مخوفتيش مني!!
حبيبة خۏفت مين قال إني مخوفتش