رواية ورطة مع زوجي كاملة
_ يمكن علشان مهتم بيكي شويه قالها بسخرية بس للحظة حسيته بيقول إلى فى قلبه وبيستخدم أسلوب السخرية علشان ما يبينش مشاعره ضحكت على غبائى
*مش محتاج تبرر ليه حاجه ذى ما قولت جوازنا صورى تقدر تعمل إلى عايزه ما يهمنيش قولتها بجفاء
_ بس انا يهمنى
بصيتله بصدمه وعدم فهم
_ انا يهمنى كل حاجه تخصك علشانك مراتي حتى لو صورى ولفتره قصيرة سمعتك من سمعتى وقربك من مصطفى غلط كبير وانا مقبلش بده ماردتش اعمل مشاكل علشان يوم فرحنا المفروض احسن يوم لينا ماحبتش اقلبه على نكد
قولتها بعصبيه مسك ذراعى بقوه وصرخ
– هتقبلى غصب عنك وعلشان هكسر دماغك لو لقيتك بتعملى تصرفاتك الصبيانية دى
* سيب ايدى انت بتوجعنى قولتها وانا هعيط من الوجع اتصدم لما شال ايده ولقى آثار غضبه عليه
– اسف اتعصبت عليكي
بصيتله بغيظ ووجع ولفيت وشى الناحية الثانية وهو زفر بغيظ
قالها مره ثانية بغيرة شديدة
أغمضت عينى وقولت
* مالكش دعوه
بغيظ باين فى صوتي
– ماشى يا مسك هحاسبك على قله السمعان دى بس فى البيت قالها بعصبيه ونبرة إجرامية خوفتنى وكالعادة تنتهى أيام السعاده بكابوس مزعج ودعنا اهلنا بعد يوم طويل ومحمد سحبنى من دراعى بنفس العصبية وركبنا العربية
وصلنا الشقة ودخلت جرى واستخبيت ورا كرسي السفره لما لقيته بيشمر كم قميصه وبيقول بوعيد
– تعاليلى بقى يا حلوه نتحاسب بقى
يتبع*يانهار اسود قولتها برعب مضحك وانا شيفاه مرمي على الأرض مغمى عليه
* قوم يابنى لتكون مت اه هيفضحونى على السوشيال ويقولو إلى قتلت جوزها اهى قولتها برعب وفتحت البرفيوم رشيته عليه علشان يفوق
بعد شويه فاق بتعب
– ايه إلى جرالى
* أخيرا يااخى فوقت سيبت ركبي افتكرتك مت قولتها وزقيته وقومت صرخ بوجع
– اه مابراحه
شويه افتكر إلى حصله من فتاة رقيقة مثلي
– انتى كنتى هتموتيني
*لاء انت إلى جيبته لنفسك وانا دافعت عن نفسى بس
قولتها ببرود وماسكة ديل فستاني باايدى وداخله على الأوضه
