روايه عادت الي الحياه كامله

عمري ما هأذبهم ابدا انا بحبهم اكتر من نفسي ولادك هما الحياة بالنسبالي .
ايهاب ليه انا عايز اعرف ليه وليه بتجيلنا في صورة سحر
لان انا وهيه واحد .
ايهاب يبقي انتي فعلا روح سحر
تضحك اوي بصوت عالي ثم تقول له هجيلك تاني انا جيت علشان اطمنك لما شوفتك خاېف علي ولادك مني .
ايهاب ارجوكي بلاش ابعدي عننا .
تضحك بصوت عالي وتقول هجيلك تاني سلام سلاااام يا حبيبي متخافش مني اطمن اصحي بقي علشان تروح شغلك سلاااام .
استيقظ ايهاب يملأ وجهه العرق وانفاسه سريعة ومتااحقة !!!
نظر في الساعة وكانت السابعة الا خمس دقائق .
ايهاب بصوت عالي اي ده دي رؤية ولا حلم ولا كابوس لو دي رؤية يبقي اكيد روح سحر عايشة معانا هنا !!! انا لازم اكلم شيخ تاني ييجي يشوف البيت النهاردة ويبعدها عننا .

ذهب ايهاب الي عمله وبمجرد أن رأي مروان قال له مروان انا عايزك ضروري .
مروان فيه اي
ايهاب ظهرت لي النهاردة في المنام .
مروان مين
ايهاب روح سحر ظهرت لي في المنام وكلمتني وقالتلي انها مش هتبعد عننا .
مروان لو كلامك جد وحقيقي تبقي عايز شيخ علشان يصرفها .
ايهاب ايوه ما انا بكلمك علشان كده شوف لي حد ضروري يصرفها بس يكون حد تاني غير الشيخ محسن .
مروان انا معرفش حد غيره لأني مكنتش بهتم بالمواضيع دي قبل كده لكن عموما هسأل واول ما الاقي حد كويس واثق فيه هقولك .
ايهاب ياريت يا صحبي وفي اسرع وقت .
مروان خلاص سيب الموضوع ده عليا وبالمناسبة انا اتفقت البارح بالليل مع فني تركيب كاميرات ييجي يركب كاميرا عندك النهاردة .
ابهاب هي الكاميرات ممكن تصور الارواح او الجن
مروان معرفش لكن فيه فيديوهات بيقولوا ان ارواح وجن ظهروا فيها لكن الفيديوهات دي مش مؤكدة يعني ممكن تكون مزيفة لكن برضو لازم تركب الكاميرا في شقتك لان ممكن يكون اللي شوفته مش اكتر من حديث نفس وحلم بسبب تفكيرك في الموضوع ده .
ايهاب وانا موافق برضو اركب الكاميرا وانت تشوف شيخ ثقة يشوف اذا كانت روح سحر في الببت ولا لأ ويصرفها من البيت .
ومساء ذهب فني الكاميرات لمنزل ايهاب وقام بتركيب كاميرا مراقبة في الريسيبشن تكشف كل من يدخل الي الشقة من الداخل .
ظلت كلمات سحر التي
رأها في المنام تتردد علي ذهنه ويفكر هل حقا هي روح سحر التي ظهرت له في المنام وماذا تريد منه ومن اولاده
ذهب ايهاب لينام ويتملكه شعور بالخۏف .
مرت الليلة بسلام وحينما استيقظ صباحا راجع تصوير الكاميرا اثناء الليل لعلها تكون سجلت شيئا ما .
وبعد مراجعتها لم يري الا سكون تام اثناء نومهم ليلا .
ثم ذهب الي عمله وهو ينتظر ان تمر ساعات اليوم سريعا حتي يعود الي المنزل ويشاهد تسجيل الكاميرا ليعرف ما اذا كانت دخلت الي منزله او لا .
عاد ايهاب الي منزله وسأل أولاده ماما جات يا حبايب بابا
يوسف أيوه يا بابا .
جري ايهاب سريعا وبدأ في مراجعة تسجيل الكاميرا حتي رأي باب الشقة يفتح وتدخل منه سحر !!!!!!!!!
هلل ايهاب وقال الحمد لله اهو باينة في الكاميرا انا كنت فاكر نفسي اټجننت لكن الحمد لله طلعت حقيقة مش تهيؤات .
اتصل ايهاب سريعا بمروان وقال له شوفت يا مروان علشان تصدقني .
مروان اهدا طيب فيه اي
ايهاب سحر ظهرت في الكاميرا وهيه داخلة الشقة وانا في الشغل .
مروان بجد ايهاب معقول انا مش مصدق !! انا كنت متاكد أنها تهيؤات .
ايهاب والله فيديو التسجيل واضح اهو قدامي وسحر ظاهرة فيه .
مروان لكن برضو كده مش متأكدين اذا كانت مراتك لسه عايشة ولا اللي ظهرت في الكاميرا روحها !!!
ايهاب أنا مش مقتنع ان الارواح والجن ممكن تظهر في الكاميرات أنا متأكد أن سحر لسه عايشة .
مروان ازاي يا ايهاب وانت شوفتها ماټت والدكتور قال ماټت وانت دفتها بأيديك
ايهاب معرفش اللي اعرفه حاجة واحدة بس ان سحر لسه عايشة واهلها عارفين ومخبينها عندهم فوق سطح البيت .
مروان واي اللي يجبرهم يعملوا كده
ايهاب معرفش يا مروان لكن أنا لازم اعرف حالا .
مروان هتعمل اي
ايهاب هروح بيت حمايا واطلع فوق سطح البيت وادخل الاوضة واواجهة سحر وأسألها عملت كل ده ليه .
مروان طيب أهدي و بلاش تهور وتعالي نفكر بالعقل .
ايهاب عقلي بيقولي حاجة واحدة بس اني لازم اروح هناك دلوقتي حالا .
يتبع
تفتكروا ليه سحر واهلها عملوا كدا وياتري سحر ورواها ايه
وايه سرها
كل دا هنعرفه الحلقه الجايه
االاحداث مشوقه ومٹيرة ومش متوقعة
يالا وروني تفاعلكم الجميل وعلقوا بعشر كومنتات لتصلك الحلقه فور نزولها
مروان طيب أهدي و بلاش تهور وتعالي نفكر بالعقل .
ايهاب عقلي بيقولي حاجة واحدة بس اني لازم اروح هناك حالا .
أغلق ايهاب محادثته مع صديقه مروان وجري سريعا الي منزل أبو سحر .
صعد ايهاب سريعا لا يهتم ان كان سيراه احد ام لا .
حتي وصل اعلي سطح المنزل وظل يدق الباب بقوة وفوجئ بها تفتح الباب .
نظر اليها ايهاب وأمسك ذراعها بقوة فصړخت فقال لها ليه ليه بتعملي كده ليه يا سحر حرام عليكي !!
لم ترد عليه وظلت صامته تحاول الافلات من قبضة يده .
ايهاب مش هسيبك الا لما تتكلمي وتقوليلي ليه بتعملي كده انا عملت حاجة تزعلك علشان تبعدي عني بالطريقة دي وليه مستخبية هنا بعيد عن الناس والناس كلهم فاكرين انك موتتي .
تنظر اليه وتقف صامته لا تنطق بأي كلمة !!!
ايهاب أنطقي مبتتكلميش ليه !!
ثم جذبها ايهاب من ذراعها واتجه الي شقة والدها ووالدتها .
دق ايهاب بابهم بقوة بينما يمسكها بقبضة يده الاخري .
فتحت أم سحر الباب وفوجئت به يدفعها للداخل ويسألها خبيتوا عليا ليه ان سحر لسه عايشة وليه مثلت انها ماټت والناس كلهم ظنوا انها فعلا ماټت جاوبيني مش هسيبكوا الا لما اعرف الحقيقة !!!!
خرج ابو سحر من غرفته وقال له يصوت حاد أنت تسكت خالص دي مش سحر مراتك سيبها .
نظر اليه ايهاب بعيون جاحظة وسأله يعني اي دي مش سحر اومال دي مين يعني معقول اتوه عن سحر مراتي !!!!
ابو سحر سيبها بعد اذنك يا ابني واقعد وانا هقولك كل حاجة .
تركها ايهاب وجلس في مكانه يكاد لا يستطيع السيطرة علي اعصابه من هول الصدمة .
ابو سحر دي مش سحر مراتك .
ايهاب يعني اي مش سحر !!
أبو سحر دي سارة أخت سحر التؤام !!!!!!
ينظر ايهاب اليها ويكاد ان يفقد وعيه من هول الصدمة !!!!!
ايهاب سارة !!! تؤام !!! انا مش فاهم حاجة !!! انا متجوز سحر من اكتر من ٨ سنين وعمري ما سمعت ولا عرفت ان سحر لها اخت تؤام !!!
ام سحر هيه دي الحقيقة يا ايهاب يا ابني .
ابو سحر هي دي الحقيقة يا ايهاب واللي كنت بداريها واخبيها عنك وعن كل الناس .
ايهاب لأ انتوا كدابين انتوا
بتقولوا كده علشان تخبوا عني الحقيقة ان سحر لسه عايشة .
ابو سحر دي مش سحر