قصة زوجي وزوجة اخي
انت في الصفحة 4 من 4 صفحات
وعدى اليوم تاني يوم جوزي صحي في ميعاده قبل ما يروح شغله قالي
جهزي الغدا بدري علشان اجي اتغدا وابقى اريح شوية
ما رضيتش اسأله اذا كان هيخرج بعد الغدا والا لا
على ما راح شغله ورجع كان الاكل جاهز قلتله انت هتخرج بعد الغدا ؟
قالي مستني تليفون من واحد صاحبي لما يتصل هبقى اخرج
قلتله هتتأخر ؟
قالي مش عارف
ودخل نام بعد 3 ساعات التليفون بتاعه رن
قلتله حاضر
شرب القهوة ونزل
وبعد كدة عرفت لما تليفونه رن كانت مرات اخوية اللي بتتصل بيه
علشان تقوله ان جوزها مشي على شغله اللي هيبات فيه واتفقوا انه هيعدي عليها كمان ساعتين
في الوقت ده اخوية كان مستني مني تليفون اول ما جوزي يخرج
اتصلت عليه عرفته ان جوزي خرج
قفل معايا وراح وقف عند البيت من بعيد علشان يعرف هل جوزي فعلا بيروح لها والا لا
وما عداش وقت طويل وشاف جوزي داخل من باب العمارة
رن كمان مرة رد
اخوية قاله ايه ياعماد ما بتردش ليه ؟ انت مشغول والا ايه ؟
رد عليه وكان باين على صوته الارتباك لا ابدا مش مشغول ولا حاجة في حاجة والا ايه ؟
جوزي قاله انا برة لما ارجع البيت هخليها تتصل عليك
اخوية قاله برة فين كدة ؟
جوزي قاله مع الشباب على القهوة
اخوية قاله بس مافيش جنبك دوشة يعني
اخوية قاله طب ما تنساش لما تروح ابقى خلي صفية تكلمني وقفلوا مع بعض
من وقت ما حكيت لاخوية وهو اتصل على محامي صاحبه وعرفه الموضوع وسأله يتصرف ازاي
المحامي قاله لو طلقتها من غير ماتثبت عليها التهمة هتبقى حضانة الولاد ن حقها اخوية قاله الا ولادي اتصرف ازاي ؟
المحامي قاله ما قدامكش غير انك تثبت عليهم التهمة
وفعلا ما عداش على طلوع جوزي عند مرات اخوية كتير
وكان اخوية جايب البوليس اللي قبض عليهم وهما متلبسين
وقبل ما يخرجوا من باب العمارة كان اخوية طلق مراته
وانا رفعت على جوزي اللي هو طليقي حاليا قضية طلاق وكسبتها
كسبت قضية الطلاق بس بناتي خسروا سمعتهم ومستقبلهم
راحوا ضحېة اب مع0دوم الدين والاخلاق ومرات خال خاي0نة
ضيعتهم وضيعت اولادها كمان
خمس اطفال ربنا وحده اللي يعلم مصيرهم هيكون ايه لما يكبروا
ويتحكيلهم اللي حصل ويعيشوا في مجتمع الناس فيه ما بترحمش
{ تمت. }
يهمنا رأيكم في التعليقات
