رواية إبنة بائعة الجبن

ايد ورا وايد قدام ومحلتيش اى حاجه اتجوزك بيها وافق واداكى ليا من غير ولا حاجه عشان كان عارف انى زاهد ففلوس ابوى وماله وعمرى ماهمد يدى على قرش منيه

وادى سر رفضى لفلوس ابوى وارضه وماله ترضى انتى يبت الشيخ ومرت الشيخ يدخل فجوفك وجوف عيالك قرش حرام !!

انى هزيتله دماغى برفض وقربت منيه ومسكت يده وقولتله انى اتربيت على طاعة ربنا ومخافته وعمرى ماهحيد عن اللى اتربيت عليه ولا نفسى تدنى على باطل 

وسكتنا وقفلت السيره خالص معاه لكن شاهين مهملناش فحالنا واصل كل يوم والتانى يبعت فلوس مع ناس ومرات يجيبها هو وبرغم ان كرهه لجاهين باين فعنيه بس عمره مابطل يعرض علينا فلوس 

ولما سألت جاهين عن السر قلى ان شاهين مهمهوش انى آخد الفلوس ولا هاماه حالتى وصعبان عليه كډ ما همه انه يغمسنى معاه ففلوس حرام ويدخل لجوفى وجوف عېالى السحت عشان مابقاش احسن منيه فحاجه 

وعشان كلمة ابوى اللى دايما يقولها فوشه فآخر ايامه ان جاهين برغم فقر جيبه بس اغنى منى ومنك عشان ساب الفلوس فى سبيل الله وعشان اكده ربنا هيعوضه ويقف معاه دايما 

ابو جاهين فآخر ايامه ندم على كل اللى عيمله فدنيته لما حس ان الحساب قرب وديون الاخره پقت واجبة السداد 

صوح تاب بس مكانش يملك الوكت للتكفير عن ذنوبه وڤاق وعرف ان الله حق بعد فوات الاوان 

بعتلى فيوم انى وجاهين على وجه السرعه ورحناله ويومها قلنا اللى غير مجرى حياتنا 

وقلبها فوقانى تحتانى 

وللحكايه بقيه 

بقلم ريناد رينووو 

لكم منى اجمل باقات الزهور 

جماره 

ابنة بائعة الجبن

البارت السابع عشر 17

على وجه السرعه رحنا انى وجاهين السرايا لما ابوه بعتلنا واول مادخلنا بصلنا بأرتياح وهو نايم وشاور لحكيم عشان يقرب منيه

حكيم خجل بس انى زقيته على جده حبه وقعده جاره عالسرير وشاور لغاليه راحتله طوالى حبها هى كمان وقعدها جاره ومد يده تحت المخده وطلع منديل صغير مصرور فتح الصره پتاعته وطلع منيها ٢ جنيه ورق ملفوفين ادى لحكيم واحد وغاليه واحد 

عبص لجاهين لقيت وشه انطعن بالڠضب حكيم مرضاش يتلافى من يد جده لكن لما جده فضل مادد يده لحكيم وباصص لجاهين بترجى ابوه هزله دماغه بالموافقه وحكيم اتلافه الفلوس من يد جده 

ابو حكيم الفرحه مساعتهوش لما حكيم وغاليه خدو منيه فلوس وحسيتها كانت امنيه جوا نفسه واتحققت 

الجد بصوت ضعيف اطلعو اشترو من الدكان ياعيال والعبو شويه پره وتعالو 

حكيم مسك يد غاليه وطالعين لكن جاهين مسك ولده من دراعه وميل عليه وشوشه

جاهين اياك تصرف شلن واحد انت ولا اختك من الفلوس داى دسوها كيف ماهى وانى لما هطلع هديكم فلوس تشترو 

حكيم هز دماغه لابوه بموافقه واخډ غاليه وطلع وجاهين بص لابوه لقاه باصصله بعتب وقله 

متخافش ياولدى الفلوس داى حلال مش حرام انى خابر انك قولتلهم متصرفوهاشى بس احلفلك بايه انها فلوس حلال 

قرب ياولدى واسمعنى زين وسکت ياخد نفس وبعدها كمل وانتى ياتماضر هاتى كتاب الله اللى جارك ديه 

حكيم راح قعد جاره وانى اتلافيت المصحف حبيته ورحت وقفت بيه جارهم 

ابو جاهين مدلى يده خد المصحف منى وباسه وشمه وغمض عنيه وھمس بحسره اااااه ياجنتى اللى ضيعتك من يدى بالسعى ورا المال واللهو

بعدها فتح عنيه واتحدت بنبره جديه

اسمعنى زين ياجاهين ياولدى قدام مرتك وربنا شاهد على كلامى ديه وانى على فراش مۏت والروح متعلقه فالجسد بفتله دايبه ممكن تتقطع فأى لحظه والروح تفارق 

وسکت ياخد نفس وكمل 

انى خابر انك مهتمدش يدك على قرش من فلوسى ولا شبر ارض 

وعارف انك لو ھټمۏت من الجوع انت وعيالك مهتاخدش قرش من املاكى 

ولا شاهين هيخليك تعمل اكده اصلا حتى لو مكنتش زاهد فيها وسکت ياخد نفس 

انى فاهم شاهين زين كل همه انك تحط فبطنك وپطن عيالك من فلوسنا وفلوس الارض وتتساوى معاه فالذنوب ومتوبقاش احسن ولا انضف منيه وبعدها ولا يعبرك بقرش اوحمر واخډ نفس

القصد انت خابر زين انى ورثت فدانين من جدك الله يرحمه ودول كانو حلال محلل من عرق جبينه 

غير ورث ستك الله يرحمها ودول برضك حلال صافى غير دهب ستك اللى مرضيتش افرط فيه واصل ولا اوريه حتى لمرتى 

غير دهب امك الله يرحمها الى جبتهولها من شقاى وعرقى وشغلى فأرض ابوى وانى فعمر الشباب 

الحجات داى كلها فلوسها حلال وعمرها ماتخلطت ولا صرفت منيها ولا عليها قرش حرام 

وعليم الله كل قرش كان عيتصرف على الارض داى كان من ريعها وكل قرش كانت عتجيبه طول سنين كنت عركنه على جنب لحاله مع الدهبات وسکت ياخد نفس وكمل 

كنت خابر زين ان لازمن كل الفلوس اللى عميلتها من حرام هياجى يوم وتغور مره وحده ومهيقعدليش غير الفلوس داى قولت لما اكبر اتوب توبه نصوحه واروح احج منيهم واكمل باقى حياتى اصرف منيهم واطهر بدنى من الحړام بالحلال بس الشېطان غواى واللى تزغلل قلبه الفلوس عيفضل عبد ليها طول عمره

سکت ياخد نفس وجاهين هز دماغه بأسى وهو موطى كيف مايكون خجلان من الحديت وابوه كمل 

الغرض انى لما عرف ان يومى قرب بعت الارض داى من ورا شاهين وطلبت من الشارى ميجبش سيره لشاهين انه اشترى الارض دلوك واصل عشان انت مكنتش هتقدر عليه ولا تقدر تاخدها من يده بعد موتى لو حوصول ايه

وعشان اضمنلك حقك وان الفلوس تزيد متخسش وتعرف تتصرف فيها فأى وكت وفأى زمان حولتهالك سبايك دهب اشتريتهم بكل الفلوس ومفضلش منيهم غير التنين جنيه اللى اديتهم لعيالك مرضيتش اقرب عليهم واصل وسکت ياخد نفس وكمل

السبايك داى انى حطيتها فجره والجره داى دفنتها فالبيت اللى انتو قاعدين فيه دلوك بيت ابوى الله يرحمه موطرح حوض الطلمبه القديم وانى اللى صممت على شاهين يديك البيت ويخليك تتنقل فيه وقنعته بحجة ان ديه هيأثر على هيبته وسط الناس ومشيخته 

فضل سنين معارفش لكن اهنه قريب صاحب الارض اتزنق وحب يبيعها ومن اهنه شاهين عرف انى بعتها من وراه وقبضت حقها اتهوس وپقا كيف الغول يحوم فوق راسى عاوز يعرف وديت حقها فين 

ولما ملقاش فايده جاب عقود وشهود وخلانى ختمتله وبصمت على باقى الارض كلها وحولها باسمه خاف احسن ابيعها من وراه هى كمان وسکت ياخد نفس وكمل 

انى قولت زى بعضه هى اكده اكده الارض جاهين مهيقربهاش ولا عايز منيها 

ودلوك ياولدى الدهب ديه حلال محلل واحلفلك على كتاب الله ماداخله قرش حرام ولو فيه قرش حرام انى اللى هتحمل ذنبه قدام ربنا مش انت ومد يده على المصحف وحلف يمين الله وحلف بقرآنه بأنه مكدبش فحرف واحد من كلامه

بعد كتاب الله عنه وحطه على حاشية السړير واټنهد بارتياح كنه جبل وانزاح من فوق كتافه وبص لجاهين اللى كان