رواية التائهه جميع الفصول كامله بقلم غاده سعيد

_ لا يا حاج انا كنت فيها ومامتش كنت في غيبوبه 
_ ازاي يعني دا كل الناس الي جم هنا قالو ان كل الناس ماټت محدش فيهم عاش خالص ولا حتي غيبوبه حتي الظابط الي جه يحقق هنا
بلغنا ان كل الي هنا م١تو 
_ طيب متعرفش حاجه عن الي عملو الحاډثه 
_ لا يابنتي وانا هعرف منين بس انا راجل علي قد حالي مبدخلش في كلام ميخصنيش 
فضلت ماشيه من غير فايدة والدنيا ضلمت عليا والطريق الدائري فالوقت دا مش بيبقي أمان هروح فين انا دلوقتي
افتكرت رقم سالي الي معايا مانا معرفش حد غيرها 
طلبت من واحد تليفون عشان اتصل بيها 

_ الو ايوة يا سالي انا الي قابلتك فالمستشفي وخدت رقمك 
_ ايوة اهلا يارب تكوني بخير 
_ انا فالشارع ومش لاقيه مكان اروحو والدنيا ضلمة ممكن اجيلك 
_ طبعا ياحبيبتي اتفضلي العنوان اهو 
خدت العنوان ورحت 
_ انا اسفه يا سالي اني جيت فوقت زي ده بس انا معرفش حد غيرك
_ لا يا حبيبتي ولا يهمك 
انا رتبتلك الشقه الي فوق عشان تعدي براحتك فيها 
_ ربنا يكرمك يا سالي يارب 
طلعت فوق ارتاح شويه لسه يادوبك عيني مغمضه لقيت الجرس بيرن
اټفزعت وقمت افتح الباب لقيت بنت صغيرة زي القمر 
_ ازيك يا طنط ماما بعتالك الاكل ده عشان تتعشي 
_ شكرا يا حبيبتي 
_ استني انتي اسمك ايه يا حلوة
_ اسمي ملك
باي باي يا طنط 
خدت الأكل وأكلت كنت جعانه اوي 
ورجعت كملت نوم وفجأه الجرس رن تاني
_ مين
_ افتحي انا سالي
_ خير يا سالي
_ اتفضلي الاكل دا تلاقيكي جعانه مالصبح
_ الحمد لله الاكل الي بعتيه مع ملك كفي وزياده 
_ ملك مين
_ ملك بنتك
_ بنت مين انا معنديش بنات 
الحمد لله الأكل الي بعتيه مع ملك كفي وزياده
_ ملك مين
_ ملك بنتك
_ بنت مين انا معنديش بنات
_ معندكيش بنات امال مين الي جابلي الاكل دا 
_ هو فين ده
_ ايه دا الاكل كان هنا دلوقتي حالا والله بنت صغيرة طلعت جابتهولي
_ الظاهر انك كنتي بتحلمي وانك تعبانه
_ باين كده انا تعبانه ممكن تديني برشامه صداع زي الي ادتهاني تحت عشان انا حاسه اني مصدعه اوي
_ طبعا ياحبيبتي هنزل اجبلك من تحت 
نزلت سالي وقفلت الباب اعدت افكر ياترا انا فعلا كنت بحلم ومين دي الي طلعت وجابتلي الاكل طب هو فين الاكل 
ازاي انا كنت جعانه وشبعت دلوقتي معني كده اني أكلت فعلا 
سالي طلعت وجابتلي البرشامه وكملت نوم
اول مالنهار طلع صحيت ونزلت عشان اشوف هعمل ايه عشان اوصل لأهلي 
ورحت تاني نفس المكان بس ايه دا الطريق مالو متغير كده ليه انا حاسه انو مكنش كده امبارح وفين الكشك الي كان هنا والراجل الي اتكلمت معاه هو انا جيت مكان تاني ولا ايه
سألت واحد ماشي فالشارع هو احنا فين هنا قالي احنا عالطريق الدائري ونفس المكان الي كنت فيه امبارح
وبعدين بقي في الي بيحصلي ده 
اعدت شويه اتمشي ولقيت واحد ماشي ورايا ببص من غير ما ياخد باله ايه ده دا نفس الراجل بتاع امبارح الي كان هيخبطني بالعربيه 
ايه الي جابو ورايا وبيراقبني ليه 
فضلت ماشيه لحد ما وصلت مكان مفيهوش حد خالص وهو لسه ورايا 
رحت وقفت فجأه ولفيت وشي 
_ هو حضرتك تعرفني 
_ وانا هعرفك منين 
_ يعني انت مش ماشي ورايا 
_ وهمشي وراكي ليه يعني 
_ هو مش حضرتك الي وقفتلي بالعربيه امبارح وكنت هتخبطني 
_ بصراحه انا اول مرة اشوفك ومعنديش عربيه اصلا
_ ازاي انا والله عرفاك وشفتك قبل كده 
_ هو انتي مجنونه 
ابعدي عني لو سمحتي انا ورايا مشاوير 
_ بالله عليك لو تعرفني قولي انا مين وفضلت اترجاه راح زقني جامد وقعني فالشارع 
ابعدي عني ياستي انا مش فاضي وسابني ومشي 
وانا بقوم من عالأرض لقيت تليفون واقع 
الظاهر انه وهو بيزقني تليفونه وقع اعدت ادور عليه لقيته اختفي خالص مش لقياه 
فضلت ماشيه فالشارع لقيت نفس الكشك الي كنت فيه امبارح ونفس الراجل