روايه مشاعر كامله

 فى الشغل فمشاعر قالتلها انتى بتقولى ايه ياماما انا محستش باى احراج ولا اضايقت حتى انتى بتشتغلي والشغل مش عيب انتى بتشتغلى عشانى وانا مش معقول اتكسف منك ولا من شغلك فى يوم انتى مش بتعملى حاجة غلط فزهرة حضانتها وقالتلها مافيش بنت زيك دلوقتى
جاسر بعد الفرح دخل اوض-ته ونام واول لما غمض عينه شاف مشاعر وهى بترقص معاه ففتح عينه بسرعة وبعدين ابتسم ونام
جاسر اتعود كل يوم قبل لما يدخل مكتبة فى الشركة يقول صباح الخير لمشاعر اتعود على وجودها فى الشركة
وبعد شهر مشاعر اخدت اول مرتب ليها وكانت فرحانة بيه جدا وهى مروحة اشترت عباية لامها واول لما رجعت البيت فضلت مستنية زهرة لما ترجع واول لما رجعت مشاعر عطتها العباية وقالتلها انها اخدت اول مرتب ليها فزهرة قالتلها ليه كدة انا مش عاوزة حاجة انت شيلى مرتبك عشان الدراسة ومتسرفيش منه حاجة الفلوس دى دراستك اولى بيها واخدت مشاعر فى حض-ن-ها

وجه اخر يوم لمشاعر فى الشركة مشاعر بعد لما خلصت شغل دخلت مكتب جاسر وقالتله انا جاية اودعك فجاسر بصلها وقالها تودعينى ليه حصل ايه فمشاعر قالتله النهاردة انتهى عقدى فى الشركة وجاية عشان اقولك شكرا على الى عملته معايا فجاسر قام وقف وقال اخر يوم وحس انه

 مضايق فمشاعر قالتله انا وعدت ماما انى هبطل شغل فى الدراسة فلازم اوفى بوعدى فجاسر قالها يعنى مش هشوفك تانى فمشاعر قالتله فى الاجازة ان شاء الله لو لسه عند وعدك وهتعينى تانى فجاسر قالها شركتى تحت امرك فى اى وقت فمشاعر قالتله انا بجد مش عارفة اقولك ايه ومدت اديها عشان تسلم عليه جاسر مسك اديها وفضل باصص فى عنيها وحس انه مصايق اوى مشاعر بتبصله وهى زعلانه ومش عارفة زعلانة ليه وبعدين مشيت جاسر فضل يبص عليها وهى ماشية

جاسركل يوم اما يجى الشركة يبص على مكتب مشاعر عشان يقولها صباح الخير وبعدين يفتكر انها مشيت ويبص بحزن
ومرت سنة ومشاعر كانت شاطرة جدا فى دراستها بس طول السنة دى كانت ديما بتفكر ف جاسر متعرفش ليه على طول بتفتكره
طول السنة دى زهرة صحتها بتتدهور 
مشاعر كل يوم تشوف زهرة وهى راجعة بليل اوى وتعبانة ومش قادرة تمشى فمشاعر قالتلها ماما انتى شكلك تعبان لازم تروحى للدكتور فزهرة قالتلها فلوس الدكتور تعليمك اولى بيها فمشاعر قالتلها لا طبعا صحتك اهم فزهرة ابتسمت وقالتلها انا مافنيش حاجة انا سليمة بس شوية تعب من الشغل بكرة هبقى كويسة