روايه مشاعر كامله
السنترال بتاعى
مشاعر اتصلت وقالولها تيجى بكرة عشان المقابلة مشاعر بعد لما خلصت المكالمة بصت لحامد وقالتله شكرا ومشيت حامد فضل يبص عليها وهى ماشية وبعدين قال مشاعر دى حلوة اوى امها كانت مخبياها عننا طول الفترة دى
والصبح مشاعر لبست الطقم الوحيد الى عندها فى الدولاب ونزلت عشان تروح المقابلة وركبت اتوبيس وبعدين نزلت وقالت انا لازم امشى شوية لحد لما اوصل للشركة اكيد مش هركب تاكسى وهى ماشية فى الطريق فجأة عربية خبطتها مشاعر وقعت على الارض فنزل شاب من العربية دى وقال انتى كويسة فمشاعر بصتله الشاب ده كان وسيم جدا
ده بطلعنى انا الى غلطانة فاشاب ده فضل يبصلها اوى وهو مستغرب فمشاعر بصتله وقالتله بتبصلى كده ليه مش عارف تقولى ايه صح حسيت بغلطك فالشاب ده بصلها وضحك وقالها ممكن تدينى فرصة اتكلم فقالتله انت كمان عاوز فرصة تتكلم مانت عندك فرص كتير فى حياتك فلوس وعندك وعربية وكمان مستكتر عليا الشوية الى اتكلمت فيهم وانت فضلت ساكت فالشاب ده بصلها وهو متعصب وقالها انتى غريبة اوى انا غلطت وقولتلك اسف خلاص فمشاعر بصتله وقالت وهى متعصبة خلاص هو ايه الى خلاص فالشاب بصلها وقالها انتى عاوزة ايه دلوقتى فمشاعر بصت على فستنها لقته اتوسخ فقالت لنفسها هروح المقابلة ازاى كده فالشاب ده بصلها لقاها سرحانة وكان شكلها جميل اوى فالشاب ده قالها يا انسة انا ممكن اوصلك لو حابة تروحى اى مكان فمشاعر بصتله وعنيها كلها دموع وقالتله توصلنى فين خلاص مينفعش اروح وكل ده بسببك انت وعربيتك واستهتارك مبتعرفش تسوق بتركب عربية ليه وبصتله اوى وبعدين مشيت الشاب ده فضل واقف وبيبص عليها وبعدين قال البنت دى غريبة اوى وبعدين ركب عربيته ومشى
