زهرة قلب الربيع( 1 )بقلم فيروز عبدالله
استغربت زهرة منها .. وبصت على الطربيزة لقت ادهم ، استغربت اكتر وقالت : ادهم ؟ بتعمل أية هنا ؟
ادهم بص على سارة وهى ماشية : أبدا مقابلة شغل ، انتِ تعرفيها ؟
زهرة : آه ، دى سارة صاحبتى !
ابتسم ادهم وعان التليفون فى جيبة بدون تركيز .. : أها ... قوليلها انى اتبسطت بمقابلتها جدا ..
لما روح ادهم اكتشف أنة خد تليفون سارة ، وسارة خدت تليفونة !
بالنسبة لشخص زى ادهم مش بيؤمن بحاجة اسمها صدفة .. كان الموضوع فى غاية الخطۏرة بالنسبالة ، هو القدر بيخطط لأية ؟!
*صباح تانى يوم فى المستشفى *
ضيقت زهرة عينها وبصتلة : وانت عايزها فى إية ؟!
ادهم بجدية : لينا مصلحة عند بعض .. هتقولى ؟
سكتت شوية , وقالت : هى عندها دلوقتى سكشن ، بعد ساعة غالبا هتلاقيها فى الكافيتريا بتاعة الكلية ..
أول ما خلصت كلامها ، شكرها ادهم ومشى وهو بياخد نفسة بضيق .. لأن تقل الموقف على قلبه كان مسببلة ضيق تنفس رهيب ..
كانت سارة قاعدة لوحدها فى المكان الى قالت علية زهرة ، شافها ادهم .. وكان متردد فى كل خطوة بيقرب بيها منها .. ، لكن الى كان مثبت رجلة ناحيتها ، كان شعور غريب جواة أنة عايز يشوفها تانى .. ويشوف اللمعة فعينها لما يتعلق الامر بفنها ..
وقف جنبها .. وقال : آنسة سارة ؟
كانت سرحانة وباصة قدامها ... ، قطڠ عليها المشهد و قعد فوشها وقال : خمس دقايق بس من وقتك .. *طلع التلڤون من جيبة * امبارح لما قعدنا سوا بدلنا التليفونات ، اتفضلى تليفونك و هاتى .....
وقف كلام لما شاف الدمعة فى عينيها ... ، لما عرفت أنة كشفها ، ممسكتش نفسها اكتر من كدا و بكت ، دموعها مكنتش بتخلص .. وادهم قدامها مكنش عارف يتصرف أزاى .. هو آخر حد ممكن يقول كلام مواساة ، أو يطيب خاطر ..
قام وقعد جنبها .. ، لو سألته ساعتها عقلة كان فين لما خد سارة وضمھا لصدرة ، مش هيعرف يجاوب .. مشاعرة ، كل مشاعرة اتحدت علية ، و امرتة انة يعمل كدا .. و القلب ملوش كبير !
سارة معترضتش ، هى كانت فى اضعف حالة ليها ، و وجود حد بقربها كان بالنسبالها طوق نجاة ، تقدر تعدى مرحلة الخطړ و توصل لبر lلامان من خلالة ..
لما هديت ، سألها ادهم پغضب : مين الى خلاكى تعيطى كدا ؟