رواية الايد اليمين كاملة الفصول بقلم كاريمان عماد
هو أي يا استاذه
بتلف بضهرها و بتتفاجئا بقرب المسافه بينهم
_رايحه بيت أهلي
بيفك ايده و بصوت متوتر
_ هي مامتك تعبانه ولا حاجه
بترفع عيونها و بنظرات ثابته
_متمثلش إنك مش واخد بالك أحنا وصلنا لأيه أنا وأنت مبقاش في حاجة تربطنا ببعض كفاية لحد كده
_أنتي ليه أنانية ليه عايزه البيت يتهد و كل حاجه بينا تروح في لحظة
سخريه كبيرة ظهرت علي ملامحها و مزالت نظرتها ثابتة
تلف بضهرها و تكمل باقي الشنطه
_طب ممكن تهدي و ننزل نتكلم في أي مكان بعيد عن البيت
بعدم اهتمام _لاء
وقفت لكام ثانيه مش مستوعب انها رفضت بعد مكانت بتتحايل عليا أنزل معاها خمس دقايق بس
قربت منها و حطيت ايدي علي كتفها
_طب ممكن اعرف مش...
بنفور _أبعد عني
صډمه كبيره ظهرت علي ملامحه لدرجه دي مش طايقه لمستي !!
بتلف تبصله
بهدوء غير طبيعي_خلصت
_طب اقعدي نتكلم شويه بس علشان خاطري بلاش علشان خاطري علشان خاطر أي حاجة بنا
بسخريه_حاجة بنا !! هو في حاجه بنا غير كام حيطه و خدامه ليك في البيت و السرير
بزهول_أنتي بتقولي أي أنتي مراتي و حبيبتي حب عمري ولا نسيتي
_مش أنا اللي نسيت ... أنت اللي نسيت إني مراتك و ليا حق عليك اعتبرتني ساعه ولا قميص جبته فرحته بيه كام يوم وبعدها ركنته في رف ضلمه في الدولاب رف عدي عليه سنين و مجاش في دماغك مره واحده تبص عليه
دموعها بدأت تزيد و صوتها يضعف
_دلوقتي جي تقول مراتك أمال كانت فين مراتك و أنا بتحايل عليك تيجي معايا عند الدكتور كنت بمۏت من الحقن و العلاج وأنت مش فاضي غير للسهر و القاعده مع صحابك و المشي مع البنات
_كنت فاكرني هبله و نايمه علي وداني ومش عارفه اللي بتعمله من ورايا مش عارفه كام مره كنت في حضڼ واحده تانيه كام مره غلط في إسمي و قولت اسم واحده تانيه كام مره سمعت ليك مكالمات معاهم كام مره شميت ريحه واحده تانيه فيك كنت بسكت و بعدي و اقول بكرة تتعدل بس مفيش فايده اللي فيك فيك بردو
صوتها بدأ يضيق و الدموع تظهر في عيونها
_قالولي مينفعكيش ده مش بتاع جواز ده واحد عايشها بطول و العرض بتاع بنات و كل يوم في حضڼ واحده جاتلي بدل الواحدة اتنين و تلاته يحظروني منك بس أنا اللي كنت هبله و رميت كلامهم في الأرض و دوست عليه و اخترتك و انهارده بقولك
قامت وقفت
_مبقاش ليك عندي حاجه حلوه تخليني أكمل معاك و أنا راضيه كفاية عليا لحد كده و طلقني و مستعده اتنازل ليك عن كل حاجه حتي هدومي مش عايزها المهم تطلقني
قامت قفلت شنطتها و اخدت فستانها و دخلت الحمام جهزت و خرجت و هو قاعد متابع حركتها
_مستنيه ورقتي في بيت ابويا
خرجت من الاوضه و في ايدها شنطت هدومها
_استني
جه صوته وقفت مكانها من غير ما تبصله قرب منها وقف قدامها
_حقك علي راسي ياست البنات
قرب منها يبوس جبينها و بعيون بدأت تظهر فيها دموع و صوت موجوع مكتوم اتكلم و قال
_أنا معنديش استعداد اخسرك والله عارف إني مق.. رف و فيا عيوب الدنيا و مستهلش واحده زيك بس علشان خاطر أي حاجة كانت حلوه بنا بلاش طلاق مستعد تقعدي في بيت أهلك زي مانتي عايزة لحد ما تهدي بس بالله عليكي بلاش طلاق مقدرش أبعد عنك والله
مسك ايديها
_هوصلك بيت بباكي و هقولهم إني مسافر كام يوم لحد ما تهدي بس بالله عليكي بلاش تقولي نطلق أنتي أمي و حبيبتي و مراتي و بنتي مش عايز من الدنيا غيرك أنتي وبس أنتي وبس والله
_هتغير والله و من اللحظة دي مفيش سهر ولا أي قرف تاني اديني بس فرصه أخيرا أثبتلك
