سكريبت " هاجر وزين " بقلم هاجر حسن

أنا متعملتش معاه كتير بس باين أنه شخص شهم، وجدع، وكريم، ولذيذ، إيه اللي بقوله ده وأنا مالي أصلًا بيه
طلعنا البيت وبعدها بعشر دقايق زين كان جه
_زين لو سمحت كنت عايزاك في موضوع بس بالله متعاندش
_في حاجة ولا إيه؟ 
_دي فلوس الكشف والأدوية بجد شكرًا على كل حاجة عملتها عشاني أنا.. أنا عرفت أني خريجة ألسن ألماني ألاقي بس شغل وهمشي من هنا أروح أي فندق
_خلصتي؟
هزيت رأسي بمعنى آه: 
_كلامك ده مش فارق معايا وأنتِ مش هتمشي من هنا غير وأنتِ راجعة لبيت أهلك وفي واحد صاحبي هيروح بكرة عنوانك اللي في البطاقة وهتروحيلهم قريب، وشيلي فلوسك 

هو جدع بس مش للدرجة دي هو فاكر أحمد السقا: 
_بس أنا كدا هتقل عليكم، وبعدين افرض أهلي دول مش كويسين وهم اللي جايبلي الصد@مة هفضل عايشة معاكم 
_لما نشتكي أبقي أمشي أتفاقنا 
مردتش: 
_يبقى اتفاقنا
عدى اليوم ونمت وعلى الظهر طنط صاحتني وقالتلي أن زين عايزني برة 
_هاجر أنتِ عارفة أن كل اللي بيحصل لينا خير صح؟
اتكلمت بتوتر:
_أكيد يا زين، هو في حاجة؟

_أنا صاحبي سأل عليكم عند بيتك قالوا أنك سايبة البيت من ٥ شهور من بعد مoت أهلك 
_أهلي مايـ.ـتين! قولتلك في حاجة غلط مش معقول اللي بيحصل أصل أكيد لو كان عندي أهل كانوا قلبوا الدنيا عليا 

كملت وأنا بعيط:
لكن في الأخر طلعت يتيمة ومقطوع من شجرة لا وكمان مش عارفة أنا مين ولا أجدعها فيلم هندي بيحصل في حياتي 
طنط جت حضنتني: 
يا بنتي وحدي الله وبعدين أحنا معاكِ
_عيطي يا هاجر عيطي عشان الخطوة اللي ناخدها قدام عياطك يرجعها لورا، هيفيد إيه العياط يعني هيرجعهم؟ 
أكيد لأ وبعدين مش يمكن يكونوا هم السبب اللي أنتِ فيه
_ومش يمكن مُو.تهم يكون هو السبب
_أنا معرفش بس اللي أعرفه أن العياط مش هيجب نتيجة بالعكس هيرجعنا لورا، أنا مش بقولك متحزنيش عليهم لكن الواضح أنك من الناس اللي بتفضل مخزنة الو ,جع والزعل جواها لوقت طويل وفي نفس الوقت بتطلعله ويمكن ده اللي تعبك نفسيًا 

وسبب اللي أنتِ فيه، على العموم أنا هحاول أوصل لأهل أبوكي بس المش .كلة أن عيلة القا .ضي من أكبر العائلات في مصر