رواية كلبي دمر مخططاتي بقلم الكاتبة ريناد يوسف جميلة جدا
بخير ربنا يخليك ليا ياطرح قلبي
مسكت ايدها وبوستها وانا فرحان بجملتها الاخيره دي فرحه تعادل الكون بحاله
ايوه الكلمه دي مفعولها عليا مفعول السحر وبحب اسمعها من امي وعمري مابشبع منها
سألتها وانا بدلك في رجلها
هاه طمنيني عن رجليكي بيتحسنوا مع العلاج الطبيعي ولا ايه لو الدكتوره دي علاجها وجلساتها مش جايبين نتيجه قوليلي نغيرها
لا يبني انا بتحسن الحمد لله وحاسه ان الاحساس هيبتدي يرجع تاني لرجليا واحتمال اقدر ارجع امشي مره تانيه هي بس مسألة صبر ووقت زي ماقالت الدكتوره وانا صابره يبني وبعدين يعني انا محتاجه المشي فأيه الا عشان ادخل الحمام واخفف الحمل عن هناء مراتك شويه
انما غير كده انا لا عايزه امشي ولا اتحرك من البيت انا يابني خلاص رضيت بحالي وحمدت الله عليه
لا ياامي متقوليش كده بإذن هتخفي وترجعي تمشي وتبقي زي الفل انا عايزك تملى البيت والدنيا تاني بخطاويكي عايزك حواليا يااميعايزك تلعبي مع احفادك اللي فضلتي سنين تتمنيهم ولاد هناء ومحمود
الام
ربنا يسهل ياحبيبي كله بامر الله خلصت كلامها وظهرت مسحة حزن في عيونها ودمعه لمعت فيهم حالا دارتها وهي بتقولي
رديت عليها وانا بقوم وقولتلها
حاضر ياامي حالا هصحيهم واجيبهملك
خرجت من جنبها ومشيت لغاية اوضة الولاد ودخلت وقبل مااصحيهم طلعت تليفوني
واتصلت برقم واول مارد عليا همست پغضب
ايوه يادكتوره ايه اللي سمعته النهارده ده امي ابتدت تحس برجليها وبتقول انها قربت تخف وترجع تمشي من تاني عارفه دا لو حصل انا هعمل فيكي ايه ماهو انا مفضلش اديكي كل شويه فلوس قد كده وفي الاخر امي تخف وترجع تمشي دا لو حصل هتدمر وادمرك معايا
متقلقش يامحمود باشا دا إحساس عادي وهي فعلا ممكن ترجع تقدر تقف علي رجليها بس صدقني مش هتقدر تخطي اكتر من خطوتين وتقع انا بديها اللي يعملها هشاشه في العضم ويضعفها وميخليش عندها اي طاقه تمشي او حيل تصلب طولها حتي ولو حصل ومشيت ممكن مع اقل حركه ومجهود رجلها او دراعها يتكسر متقلقش انا عارفه انا بعمل ايه كويس اوووي اطمن
ماشي يادكتوره هطمن واسكت لما اشوف اخرتها ايه
قفلت معاها واتفاجئت ببنتي الكبيره مرام اللي عندها خمس سنين صاحيه وسألتني بفضول الاطفال المعتاد
بابا هو انت ليه مش عايز تيته ترجع تمشي
رديت عليها بسرعه وانا بحاول اتوه الكلام
ليه ياحبيبتي بتقولي كده انتي فهمتي غلط انا عايزها تمشي بسرعه مش تمشي بعد مده طويله انا بستعجل الدكتوره عشان تشد حيلها في علاج جدتك وترجع تمشي قوام
صحيت الولاد واخدتهم عند جدتهم وفضلت العب معاهم شويه
وبعدها سبتهم ورحت لهناء مراتي اقعد معاها شويه هي كمان واتكلم معاها واسألها لو محتاجه حاجه اصلى حاسس الفتره اللي فاتت دي إنها بعدت عني من بعد ماابتدت تندمج معايا واخيرا تعاملني كزوج وتتقبلني وابتدا يكون فيه مابينا موده ورحمه من بعد ماكنت فقدت الامل إن دا يحصل في يوم من الايام
قعدت مع هناء ومع الساعه ٤ بالظبط وفميعاد كل يوم ابتدا بيتو ينبح بهستريا ويعمل الدوشه اللي بيعملها فنفس الميعاد ده كل يوم وبصيت لهناء لقيتها قامت تبص من الشباك مع انها عارفه انها مش هتعرف تشوفه لكنها دايما تحاول وهمست وهي مش واخده بالها
ياااه يابيتو ٦ سنين ولسه بييجي نفس الوقت وتعمل القلبان ده معقول لسه منسيتش
وبصتلي وبترجي قالتلي
محمود انا نفسي اشوف بيتو لو سمحت اشوفه مره وحده بس وانا متاكده انه مش ممكن هيأذيني
رديت عليها بعصبيه وخوف
لا طبعا انتي اكيد بنهزري قولتلك الف مره بيتو من ساعة اليوم اياه وهو اتسعر وجاله سعار ومبقاش يعرف اي حد وبقا عدواني جدا وانا لولا بس انه غالي عليا كنت سمعت كلام الدكتور البيطري واتخلصت منه بس انا العشره مش هاينه عليا ولا
ناسي بيتو
