النعمة كاملة
شربتها الشاي و حممتها ولبستها وسرحت ليها شعرها وانا بركز مع كل تفصيل من التفاصيل دي وكأني خاېفه افقدها وما اقدر اعيش التفاصيل دي تاني ابوها خلانا نجهز وطلع كلم ولد الجيران يقعد ليهو في الدكان لمن يرجع وجاب ركشه وجاء لقانا جاهزين ركبنا الركشه ومشينا عشان نعمل الفحوصات تاني زي ما طلب الدكتور
كنت حاسه بيها تعبانه شويه بس لازم نمشي ف طلعنا مشينا معمل مشهور هو غالي شويه بس طبعا ما يغلى علي وحيدتنا اهم حاجه نطمن عليها وعلى صحتها اول ما دخلنا المعمل والنعمه عرفت انه مستشفى ودكاتره تاني حلفت ما تسكت قطعت قلوبنا بالبكاء بس الحمدلله الناس الشغالين في المعمل كانوا ظريفين شديد وبقوا يهظروا معاها ويحاولوا يشغلوها وكان في واحده اسمها الآء تقريبا جابت ليها لعبه صغيره كدا وقعدت معاها لحد ما خلصنا كل الفحوصات قالوا لينا تعالوا استلموا النتيجه الساعه ٦ المساء طلعنا منهم مشينا مطعم كان الساعه ١٠ وحاجه تقريبا طلبنا بيتزا عشان النعمه بتحبها رغم ابوها ما بحب البيتزا نهائي بس أكلها معانا عشان خاطرها وبعد دا كله هي ما اكلت غير قطعه صغيره منها وقالت ما عايزه تاني بس اكلت اسكريم وطلعنا وديناها الحديقه وكان كل همنا تكون مبسوطه في كل لحظه بتعيشها وتنسى موضوع الدكتور وكل الحصل معاها قعدنا انا وابوها بنعاين ليها وهي بتلعب ومبسوطه وما شايله هم حاجه مسكينه ما عارفه الراجيها شنو ونحنا كمان ما عارفين الراجيها شنو فجأه كدا بقت تبكي جرينا عليها قالت ما عايزه تلعب عايزه تمشي البيت هي پتبكي حاسه بي ألم بس ما قادره توصفو لينا او نحنا ما قادرين نفهم هي مالها بالضبط بس كان التعب باين عليها شلناها وطلعنا ركبنا تكسي هي الحديقه ما بعيده شديد من البيت بس عايزين نوصل سريع عشان هي ترتاح ونحنا في الشارع هي رقدت في ابوها ونامت وكنا ساكتين ما اتكلمنا ولا كلمه كل واحد فينا سارح بعيد لحد ما وصلنا البيت هي صحت فتحت كدا ونامت تاني ابوها طلع قال عندو قروش مع زول ماشي يجيبهم منو وانا رقدت جنب النعمه ونمت م عارفه قدرت انوم كيف رغم الهم والخۏف الجواي بس ما حسيت بي نفسي يمكن لأني تعبانه شديد وكنت مساهره طول الليل بس ما قدرت انوم كويس وكان نومي كله كوابيس وحلمت اني ما لاقيه النعمه وبفتش عليها وببكي فتحت عيوني لقيتها في وشي حضنتها علي شديد وحمدت ربنا ألف مره على وجودها انتظرنا للمساء وابوها مشى يجيب النتيجه ويجي يسوقنا للدكتور بقيت بجهز فيها وهي بتسألني ماما ماشين وين انتو ماشين للدكتور تاني يا ماما انا ما عايزه امشي معاكم
انا زمان
